Ođđa buolvvat (tulevat sukupolvet)

Go boađát Sápmái, de leat don guossin báikkis gos sápmelaččaid árga ja feasta leat mávssolaš oassi ealli kultuvrras, mas šaddá erenomáš kulturduovdda. Dát lea sápmelaččaid agibeaivve ruoktu. Dát ealás kulturbiras láhčá vuođu sámekultuvrii ja dan sirdimii ođđa buolvvaide. Mis buohkain lea ovddasvástádus min oktasaš boahtteáiggis gos ihkinassii mii johtit dahje gosa min daguideamet váikkuhusat ollet. Dahkkot ovttas otná beaivvis vásttolačča ja ehtalaččat suvdilabbo, vai maiddái ođđa buolvvat besset návddašit dáid čábbodagaid ja riggodagaid.

Jus mis ii gávdno oktasaš áddejupmi das man dehálaš lea seailluhit sámekultuvrra ja dasa mihtilmas luonddu ja divrras heakkalaš árbbi, sáhttet maiddái Lappi dehálamos turismageasuhusat áitojuvvot. Sámiid ruovttuguovllu turismma erenomášvuođat leat ee. buhtes luondu, sámekultuvra, árbevirolaš ealáhusat dego boazodoallu.

Árbevirolaš diehtu lea njálmmálaš diehtu, man olbmot leat háhkan vásáhusaid ja oahppama bokte. Diehtu lea čoggon máŋggaid buolvvaid áigge ja seilon ođđa buolvvaide. Sápmelaččat leat buolvvas bulvii seailluhan árbevirolaš dieđuid iežaset eallinvuogis ja árbevirolaš ealáhusain. Sámekultuvrras, árbevirolaš ealáhusain, dujiin ja eallinvuogis leat iešvuođat, mat leat seilon máttuin gitta otná beaivái ovdamearkka dihtii boazodoalus, bivddus, gielas, báikenamain dahje bargoneavvuin, mat adnojit árbevirolaš ealáhusain ja dujiin. Vuoikko sámeealáhusain ja duojis leat váldon atnui ođđa bargovuogit, de vuođđun leat liikká ovddit buolvvain árbejuvvon diehtu ja máhttu. Lea dehálaš sihkkarastit ja ovddidit vejolašvuođaid seailluhit ja gaskkustit ođđa buolvvaide sápmelaččaid iežaset kultuvrra, árbevirolaš ealáhusaid ja dieđu ja sámegiela, mii govvida sápmelaš máilmmi.