Ovdâsvástádâslii mađhâšeijee kuállejeijeeravvuuh
Ovdâsvástádâslii mađhâšeijee kuállejeijeeravvuuh láá sämisiärváduv rähtim keevâtlij ravvui nurâldâh, mii rävvee mađhâšeijeid toimâđ sämmilij päikkikuávlust torvolávt, eettisávt kilelis já kunnijâttee vuovvijn väldimáin vuotân páihálâšsiärváduv. Ravvuuh aneh sistees avžuuttâsâid eereeb iärrás luándust jotemist, kulttuuräärbi kunnijâtmist, kuvviimist, páihálij iäláttâsâi vuotân väldimist já pirâsvaikuttâsâi keeppidmist.
Kuállejeijeeravvuuh vuáđuduveh Sämitige tuhhiittem sämimađhâšem eettisáid ravvuid, sämisiärváduv uáinoid já tárboid, já tot stivree mađhâšeijeid kunnijâttiđ já väldiđ vuotân páihálii eellimvyevi já ärbivuáválijd vuáháduvâid. Sunna Kiti koveh čielgâsmiteh eettisij ravvui viestâ tast, maht puáhtá toimâđ, vâi puátteevuotâ ličij kulttuur tááhust torvolub, ovdâsvástádâslub já eettisávt kilelub sämmilij päikkikuávlust. Ton vievâst mađhâšeijee uáppá ei., maht kalga toimâđ tiilijn, main teivih poccuid tâi puásuituálupargoid, maht kuvviđ ulmuid tâi kulttuurtábáhtusâid loválávt já maht jotteeđ luándust tienuuvt, ete ij toovât hááitu ekosysteemáid tâi ärbivuáváláid nuurrâm-, miäcástem já kuálástemkuávloid.
Kuállejeijeeravvuuh láá tehálâš niävvu mađhâšeijei tiäđu lasseetmist já ovdâsvástádâslii lattim stivriimist. Toi ulmen lii, ete mađhâšem tuárju sämikulttuur jotkuuvâšvuođâ, naanood páihálâšsiärváduv pyereestvaijeem já oovded luándu maaŋgâhámásâšvuođâ siäilum. Ravvuuh išedeh mađhâšeijeid toimâđ kulttuursensitiivlát já kyeđđiđ positiivlii luodâ kuávlun.
Keejâ meid
algâaalmugmađhâšem, arktâsâš piirâs, čuovâkuvvim, kulttuurtorvolâšvuotâ, päikkiráávhu, ellee kulttuurenâdâh, eettisâš killeelvuotâ, ovdâsvástádâslâš sämimađhâšem, rievtis tiäđu sirdem, ärbivuáváliih iäláttâsah, päikkitárbu, sosiaallâš toimâlope, sämikulttuur, huámmášumán väldim, heterogenlâšvuotâ, puásui, poccui paldattâllâm, luovâs orroo pennuuh, kuáttumráávhu, puigâvuotâ, kulttuurlâš identiteetsuáládem, kulttuurlâš appropriaatio, hutkum ärbivyevih, luávnejum ärbivyevih, stereotypia, primitivisistem, eksotisistem, zooifikaatio, tiŋgâstittem, rekvisiit
Liŋkkâ sämimađhâšem eettisáid ravvuid: Ovdâsvástádâslii já eettisávt kilelis sämimađhâšem toimâprinsiipeh
Liŋkkâ ovdâsvástádâslii mađhâšeijee kuállejeijeeravvuid: Sämimađhâšem tiäđuh já tááiđuh – ovdâsvástádâslâš mađhâšem sämmilij päikkikuávlust