Vásttolaš mátkkálačča galledeaddjiidrávvagat
Vásttolaš mátkkálačča galledeaddjirávvagat lea sámeservoša ráhkadan geavadaga rávvagiid čoakkáldat, mii rávve mátkkálaččaid doaibmat sámiid ruovttuguovllus dorvvolaš, ehtalaččat suvdilis ja gudnejahtti láhkai, seammás go vuhtiiváldit báikkálašservoša. Rávvagat sisttisdollet ávžžuhusaid earret eará luonddus johtimis, kulturárbevieru gudnejahttimis, govvemis, báikkálaš ealáhusaid vuhtiiváldimis ja birasváikkuhusaid geahpedeamis.
Galledeaddjirávvagat vuođđuduvvet Sámedikki dohkkehan sámemátkeealáhusa ehtalaš rávvagiidda, sámeservoša oainnuide ja dárbbuide, ja dat stivrejit mátkkálaččaid gudnejahttit ja vuhtiiváldit báikkálaš eallinvuogi ja árbevirolaš geavadagaid. Sunna Kitti govuheapmi áiccalmahttá ehtalaš rávvagiid informašuvnna das, mo doaibmat, vai boahttevuohta livččii kulturdorvvolut, vásttolut ja ehtalaččat suvdilut sámiid ruovttuguovllus. Dan vuođul mátkkálaš oahppá ee., mo doaibmat diliin, main deaivat bohccuid dahje boazobargguid, mo govvet olbmuid dahje kulturdáhpáhusaid lobálaččat ja mo johtit luonddus nu, ahte dat ii dagat hehttehusa ekovuogádagaide dahje árbevirolaš čoaggin-, meahccebivdo- ja guollebivdoguovlluide.
Galledeaddjirávvagat leat guovddáš reaidu mátkkálaččaid dieđu lasiheamis ja vásttolaš láhttema stivremis. Dainna ulbmilin lea, ahte mátkeealáhus doarju sámekultuvrra bistevašvuođa, nanne báikkálašservoša buresveadjima ja ovddida luonddu máŋggahámatvuođa seailuma. Rávvagat veahkehit mátkkálaččaid doaibmat kultursensitiivvalaččat ja guođđit positiivvalaš luotta guvlui.
Geahča maiddái
eamiálbmotturisma, árktalaš biras, govven, kulturdorvvolašvuohta, ruoktoráffi, ealli kulturduovdda, etihkalaš suvdilvuohta, vásttolaš sámi turisma, eakti dieđu juohkin, árbevirolaš ealáhusat, ruovttudárbu, sosiálalaš doaibmalohpi, sámekultuvra, vuhtiiváldin, heterogenalašvuohta, boazu, bohccuid balddáhallan, luovosbeatnagat, guođohanráffi, eaktivuohta, kultuvrralaš identitehtasuoládeapmi, kultuvrralaš oamasteapmi, hutkojuvvon árbevierut, luoikkahuvvon árbevierut, stereotypiija, primitiivvalažžan botnjan, eksotiseren, zotifikašuvdna, objeaktan dahkan, rekvisihtta
Liŋka sámemátkeealáhusa ehtalaš rávvagiidda Vásttolaš ja etihkalaččat suvdilis sámi turismmaealáhusa doaibmanprinsihpat
Liŋka vásttolaš mátkkálačča galledeaddjiid rávvagiidda: Sámemátkeealáhusa dieđut ja dáiddut – vásttolaš mátkeealáhus sámiid ruovttuguovllus