Galledeaddjiidrávvagat
Galledeaddjiidrávvagat lea gulahallama vuohki, maiguin oahpistit galledeaddjiid doaibmat báikkis, gos sii leat fitnamin, vásttolaččat, dorvvolaččat ja dan láhkai, ahte sii gudnejahttet ja vuhtiiváldet sihke báikkálašservoša, birrasa ja kultuvrra. Daiguin figgat doarjut suvdilis mátkeealáhusa, suodjalit báikkálaš luonddu ja kulturárbbi ja maid sihkkarastit positiiva vuorrováikkuhusa galledeaddjiid ja guovllu servoša gaskkas. Rávvagat veahkehit mátkkálaččaid ipmirdit báikkálaš árvvuid ja geavadagaid, mii dahká fitnamis njuovžilabbo, čiekŋalabbo ja mearkkašahttibu buot oassebeliide.
Sámedikki Vásttolaš mátkkálačča galledeaddjiidrávvagat lassemateriálaiguin vuođđuduvvet sámemátkeealáhusa ehtalaš rávvagiidda, maid Sámediggi lea dohkkehan. Sunna Kitti govuheapmi áiccalmahttá ehtalaš rávvaga sisdoalu das, mo doaibmat, vai boahttevuohta livččii kulturdorvvolut, vásttolut ja ehtalaččat suvdilut sámiid ruovttuguovllus. Rávvagat maiddái dorjot sámekultuvrra bajásdoallama bistevašvuođa. Galledeaddjirávvagat, maid Sámediggi lea 2022 almmustahttán, leat Sámedikki dohkkeheami, servošiid oassálastinvejolašvuođaid ja gullojuvvon muitalusaid bokte sámeservoša iežas sánuhan ja dohkkehan ráva- ja diehtobáhkka mátkkálaččaide. Dat muitalit, mo láhttet kultuvrralaččat, sosiálalaččat ja biraslaččat suvdilis vugiin sámiid ruovttuguovllus. Rávvagat sisttisdollet sihke geavatlaš láhttenrávvagiid ja duogášdieđuid das, mo gudnejahttit ja vuhtiiváldit sápmelaš kultuvrra, árbevirolaš ealáhusaid, bassi báikkiid, luonddu ja báikkálašservošiid ráfi.
Galledeaddjiidrávvagat vuođđuduvvet kultuvrra hálddašeaddjiid iežaset oainnuide – ii olggobealat ipmárdusaide – ja daiguin lea mihttomearrin sihkkarastit, ahte mátkkálaččaid doaibma doarju guovllu buresveadjima iige dagat vahága.
Geahča maiddái
eamiálbmotturisma, árktalaš biras, govven, kulturdorvvolašvuohta, ruoktoráffi, ealli kulturduovdda, etihkalaš suvdilvuohta, vásttolaš sámi turisma, eakti dieđu juohkin, árbevirolaš ealáhusat, ruovttudárbu, sosiálalaš doaibmalohpi, sámekultuvra, vuhtiiváldin, heterogenalašvuohta, boazu, bohccuid balddáhallan, luovosbeatnagat, guođohanráffi, eaktivuohta, kultuvrralaš identitehtasuoládeapmi, kultuvrralaš oamasteapmi, hutkojuvvon árbevierut, luoikkahuvvon árbevierut, stereotypiija, primitiivvalažžan botnjan, eksotiseren, zotifikašuvdna, objeaktan dahkan, rekvisihtta
Liŋka sámemátkeealáhusa ehtalaš rávvagiidda Vásttolaš ja etihkalaččat suvdilis sámi turismmaealáhusa doaibmanprinsihpat
Liŋka vásttolaš mátkkálačča galledeaddjiid rávvagiidda: Sámemátkeealáhusa dieđut ja dáiddut – vásttolaš mátkeealáhus sámiid ruovttuguovllus