Ávhástâllâm historjá
Sämikulttuur symboleh láá Suomâst rahtum pyevtittâssân já oovdânpuohtum sämmilâšvuođáin ávhástellee maađhâšmist jo iheluuvijd. Sämikulttuur pyevtittâssân rähtim lii meid kuhháá lamaš sehe ulguupiälái meridem já olášuttem. Ulguupiälái tooimâst pyevtittâssân rahtum já/tâi oovdânpuohtum sämmilâškove lii táválávt kukken puigâ sämmilâšvuođâst. Sämmilâšvuođáin ávhástellee maađhâšmist tiettum já vijđáht levânâm puástu já primitivisistum sämmilâškove viärráámuu tááhust luávkká já tiŋgâstit sämisiärváduv. Taat almolávt já ain uđđâsist oovdânpuohtum puástukove já puástutiäđu levâttem häittid sehe sämisiärváduv já sämikulttuur eellimvuáimálâšvuođâ.
Keejâ meid
sämmilâšvuođáin ávhástellee mađhâšem, sämmilâšvuotân vuáđuduvvee mađhâšem, ovdâsvástádâslâš sämimađhâšem, luánduviđá meccikuávlu, ellee kulttuurenâdâh, hutkum ärbivyevih, luávnejum ärbivyevih, kulttuurlâš identiteetsuáládem, kulttuurlâš appropriaatio, sämimááccuh, stereotypia, primitivisistem, eksotisistem, zooifikaatio, rievtis tiäđu sirdem, disinformaatio já misinformaatio