Sämimááccuh (saamenpuku)

Sämikulttuur lii puohnâssân uáli riges já maaŋgâhámásâš kulttuur, mon ohtâ tehálâš identiteet čäittee lii sämimááccuh. Sämimááccuhist lii hirmâd stuorrâ merhâšume sämikulttuurist. Sämimááccuh kevttim asâttâleh čälimettum noormah, maid sämmiliih nuávditteh. Eromâšávt sämmilâšvuođáin ávhástellee maađhâšmist sämmilâšvuođâ pyevtittâssân rähtim já oovdânpyehtim lii maŋgii kuávdásmittum eidu sämimááccuhân tâi sämimááccuh hámásii mááccuhân, mon vievâst mađhâšempuohtust láá viggâm rähtiđ ”sämmilâš”, laš-uv koččâmuš talle mainâsijn tâi eres mađhâšempalvâlusâin. Sämimááccuhist lii-uv šoddâm sämimađhâšem vuosâsajasâš identiteet čäittee. Sämmilâšvuođáin ávhástellee maađhâšmist sämimááccuh kulttuurliih koodih já merhâšumeh láá kuittâg vájáldum tâi kuođđum huámmášumettáá já tast lii rahtum kuárus siäluttes roolipiivtâs. Mađhâšemráhtulâšvuođâ ulguupiälááh sämmiliih iä keevti sämimááccuh mađhâšeijei várás. Sämimááccuh siste lii olmooš. Ele tiŋgâstit ulmuu peic kunnijât sii priivaatvuođâ.