Boazobárti

Dallego biillain deaivá dáhpáhuvvat boazobárti, riŋge álo 112-nummirii.

Boazobárti oaivvilda johtolatbártti, mas fievru deaivá bohccui. Boazobárttit dáhpáhuvvet erenomážit Lappis ja boazodoalloguovllus, ja dat dáhpáhuvvet jahkásaččat duháhat.

Boazobárti dagaha ekonomalaš vahága boazodolliide, sáhttá dorvvohuhttit árbevirolaš ealáhusa hárjeheami ja hedjonahttit ealliid buresveadjima. Dasa lassin boazobárttit sáhttet dagahit vuoddjiide ja mátkkošteaddjiide olmmošvahágiid ja mearkkašahtti opmodatvahágiid.

Boazobárttiid ovddalgihtii eastadeapmi gullá vásttolaš mátkeealáhussii ja johtimii boazodoalloguovllus. Mátkkálaččaid ja fitnodagaid geatnegahttit čuovvut guovllu johtolatnjuolggadusaid, erenomážit leaktoráddjehusaid ja boazováruhusaid, ja maid diehtit, ahte bohccot johtet friija maiddái geainnuid lahka. Ovddalgihtii eastadeami dorjot iešguđetlágan váruhanvuogádagat, boazoáiddiid geavaheapmi ja maid diđolašvuođa- ja oahppakampánjat. Dálvit bohccuid luottat geaidnoguoras sáhttet muitalit, ahte eallit johtet geainnu ala, de daid gánneha čuovvut dárkilit.

Jos bárti deaivá dáhpáhuvvat, vuoddji galgá bisánit ja doaibmat lága mielde.

• Eastte lassevahágiid
  • várut eará johtolaga (omd. várrehusgolmmačiegagiin)
• Veahket olbmuid
  • fuolat lápmašuvvan olbmuid vuosttasveahkis
  • riŋge farggamusat heahteguovddážii (112)
• Fuolat bohccos
  • sihkkarastte, ahte ealli ii báze gillát.
  • almmut heahteguovddážii álo, vaikko boazu joatkkašii mátkki. Boazu sáhttá johtit guhkes mátkki, vaikko lea lápmašuvvan.
• Merke báikki
  • sirdde rohpa geaidnoravdii ja merke nu, ahte oidno
  • rohpa ii oaččo váldit fárrui
• Almmut vahágis
  • almmut oadjofitnodahkii, jos leat boahtán olmmoš- dahje opmodatvahágat

FUOM! Almmuhangeatnegasvuođa healbadeapmi lea rihkkumuš.