Vaʹstteemvuõđlaž turiist jooʹttivuäppõs
Vaʹstteemvuõđlaž turiist jooʹttivuäppõs lij sääʹmõutstõõzz raajjâm mõõntõõllâmtääʹzz vuäppõõzzi norldõk, kååʹtt vuäʹppast turiistid toiʹmmjed säʹmmlai dommvuuʹdest staanlânji, eettlânji ǩeâllʼjeeinalla da ciʹsttjeeʹl pääiklažõutstõõzz lokku vääʹldeeʹl. Vuäppõs âânn seʹst siâzztõõzzid jeeʹrab mieʹldd luâđast liikkeem, kulttuurääʹrb ciʹsttjem, sniimmâm, pääiklaž jieʹllemvuõʹjji lokku väʹlddem da pirrõsvaaiktõõzzi ǩieʹppeem pirr.
Jooʹttivuäppõs vuâđđââvv Sääʹmteeʹǧǧ priimmâm sääʹmturiism eettlaž vuäppõʹsse, sääʹmõutstõõzz vuäinnmõõžžid da taarbid, da tõt ohjjad turiistid ciʹsttjed da väʹldded lokku pääiklaž jieʹllemnääʹl da äʹrbbvuõđlaž naaʹlid. Sunna Kitti koovtõs vieʹǩǩad fiʹttjed eettlaž vuäppõõzz saaǥǥ tõʹst, mõõn nalla toiʹmmjed, što pueʹttiäiʹǧǧ leʹčči kulttuurstaanlab, vaʹstteemvuõđlab da eettlânji ǩeâllʼjeejab säʹmmlai dommvuuʹdest. Tõn veäkka turistt mättai jm. mäʹhtt toiʹmmjed paaiʹǩin, koʹst teeivak puõccui leʹbe puäʒʒhåiddamtuâjai õõl, mäʹhtt sniimmâd oummuid leʹbe kulttuurnoorõõttmõõžžid lååʹvlânji da mäʹhtt liikkeed luâđast nuʹtt, što tõt ij šõõddât hääit ekosysteeʹmid leʹbe äʹrbbvuõđlaž noorrâm-, uussâm- mieʹcstem- da kueʹlstemvuuʹdid.
Jooʹttivuäppõs lij kõskksâjjsaž neävv turiisti teâđ lââʹzztummšest da vaʹstteemvuõđlaž jälstõõttmõõžž ohjjummšest. Tõn täävtõsân lij, što turismm tuärjjad sääʹmkulttuur juätkkjemvuõđ, raavad pääiklažõutstõõzz pueʹrrvââjjmõõžž da õõuʹdad luâđ määŋghämmsažvuõđ seillmõõžž. Vuäppõs vieʹǩǩad turiistid toiʹmmjed kulttuursensitiivlânji da kueʹđđed miõđlaž miârk voudda.
Ǩiõčč še
alggmeerturismm, aarktlaž pirrõs, sniimmʼmõš, kulttuurstaanvuõtt, põrtträäuh, jieʹlli kulttuurkueʹstelm, eettlaž ǩeâllʼjemvuõđ, vaʹstteemvuõđlaž sääʹmturismm, vuõigg teâđ juâkkmõš, äʹrbbvuõđlaž jieʹllemvueʹjj, dommtarbb, sosiaalʼlaž tåimmlååʹpp, sääʹmkulttuur, lokku välddmõš, heterogeenlažvuõtt, puäʒʒ, puõccui põõltõõllmõš, luõvâs pieʹnne, lääʹǩǩšiõttummuš, tuõđlažvuõtt, kulttuurlaž identiteʹttsuâlõs, kulttuurlaž vuämstõõllmõš, hoʹhssjum äʹrbbvuõđ, laiʹnnʼjum äʹrbbvuõđ, stereotypia, primitivisâʹsttem, eksotisâʹsttem, zooifikaatio, käuʹnnen âânnmõš, rekvisitt
Liŋkk sääʹmturiism eettlaž vuäppõʹsse Vasttõõzzlaž da eettlânji ǩeâllʼjeei sääʹm-maatkčummuž toiʹmmjemvuâđđjurddi
Liŋkk vaʹstteemvuõđlaž turiist jooʹttivuäppõʹsse: Sääʹmturiism teâđ da tääid – vaʹstteemvuõđlaž turismm säʹmmlai dommvuuʹdest