Rekvisitt

Säʹmmlai dommvuʹvdd lij nõõmâs mieʹldd määŋgai säʹmmlai päiʹǩǩ, koozz turiist puäʹtte kuõʹssjed. Ǩeʹnnvõs nääʹl mieʹldd pääiklaž oummu ij õõlǥ ââʹnned boʹŋŋjemkäuʹnnen, rekvisittân leʹbe objeʹktten. Aainâs täʹrǩǩen âlgg leeʹd sniimmʼmen da jeeʹresnallšem materiaal ruõkkmen, kååʹtt kuâskk turismmsueʹrj åålǥpeällsaž oummu. Muuʹšt, što sääʹmpihttsi seʹst lij ooumaž, kååʹtt ij leäkku jiiʹjjes pääiʹǩest rekvisiittân leʹbe eksoottlaž tuâǥǥžen turiist taarbid tieuʹddmen. Sääʹmpihttsin teâvõõttâm oummu sniimmʼmõʹšše âlgg pâi leeʹd oummu jiiʹjjes miâsttmõš. Päärnai sniimmʼmõʹšše taarbšet puärrsi lååʹv, leäi seeʹst âʹlnn mii täättas. Turismmsueʹrj åålǥpeällsaž oummu jie ââʹn sääʹmpihttsid turiisti vääras. Jos snimldõʹǩǩe leʹbe jeeʹres ruõkkum materiaaʹle haaʹluum ooumaž ǩeâlddââtt leʹbe smeâtt lååʹv ouddmõõžž, âlgg sniimmʼmõõžž kueʹđđed.