Kulttuurstaanvuõtt

Kulttuurstaanlaž sääʹmturismm miârkkšââvv tõn, što sääʹmtoiʹmmjeei vueiʹtte puʹhtted õõutverddsen jiiʹjjes mušttlõõzzid õlmmsa jiiʹjjes kulttuurân da sij maaiʹlmkoov muâđain. Kulttuurstaanlaž sääʹmturiismâst mäʹtǩǩpääiʹǩ pääiklažõutstõõzz tuõđâsvuõtt da tuõttvuõtt vuäiʹtte järrned turistt ääiʹjab viggmõõžžin primitiivlaž da myystlaž ”luâđ päärnžest”. Kulttuurstaanlaž turistt ij ââʹn käuʹnnen pääiklažoummuid. Kulttuurstaanlaž mäʹtǩǩpääiʹǩest pääiklažoummu vuäǯǯa harjjted kulttuurâs jooudǩani pâʹjjel miõlâs turistt čõõʹlmi vuâlla leʹbe kamera õuʹdde leʹbe rekvisiittân jiiʹjjes jieʹlli kulttuurkueʹstelm õõudâst. Kulttuurstaanlaž mäʹtǩǩpääiʹǩest turiist väʹldde lokku da ciʹsttje tõn, što sij lie kueʹssen nobba kuulli pääiʹǩest, koʹst pääiklaž oummui argg šâdd.