Kulttuurlaž vuämstõõllmõš
Kulttuurlaž vuämstõõllmõš tuejjad veäʹr säʹmmlai kulttuurjiõččvaaldâšm leʹbe säʹmmlai vuâđđlääǥǥlažvuõiggâdvuõđ mieʹrreed jiijjâz kulttuurâst da tõn ââʹnnmest vuâstta. Kulttuurlaž vuämstõõllmõõžžin juuʹrdetnåkam tååim, koʹst äuʹǩǩen ââʹnet elemeeʹntid nuuʹbb kulttuurâst, kååʹtt ij kuul õõʹnni jiijjâs kulttuuʹre, daäuʹǩǩenâânnmõš šâdd õnnum kulttuur vuäʹmsteeʹji miâsttmõõžžtää. Kulttuurlaž vuämstõõllmõõžžâst lijkõõččmõš uuʹccbõs da jäänbõs joouki kõskksaž väʹlddrajjsin. Lååʹvteʹmes äuʹǩǩenâânnmõõžž lââʹssen kulttuurvuämstõõllmõõžž tuejjad pååʹmhallšen tõt, što nuuʹbb kulttuur elemeeʹntid äuʹǩǩen õõʹnni ooumaž ij fiʹtteda/leʹbe ââʹn äärvast kõõččmõõžžâst åårrai, äuʹǩǩenâânnmõõžž objeʹktten jouddâm kulttuur leʹbeäuʹǩǩen õnnum elemeeʹnti veiddsab kulttuurlaž miârktõõzz leʹbe saaǥǥ. Määŋg sääʹmkulttuur elemeeʹnt lie õnnum äuʹǩǩen maatkčummšest juʹn eeʹǩǩlooʹjji ääiʹj. Täujja maatkčummšest õnnum sääʹmkulttuur symbool lie säʹmmlaid samai vääžnai da tõid õhttne määŋg kulttuurlaž miârktõõzz da saaǥǥ, koin kulttuur toobdǩani oummust ij vueiʹtlvânji leäkku čiŋŋlab fiʹttjõs. Čiŋŋlab kulttuurlaž miârktõõzz fiʹttjeteʹmesvuõtt veekk kulttuur puästtadâânnmõõžžid da vueiʹtlvânji vââǥǥliʹžžen mottjam kulttuurlaž informaatio liâvtummša. Tieʹđteʹmesvuõtt ij jaukkâd kulttuur åålǥpeällsaž õõʹnni vasttõõzz, peʹce čuäʹjat jeäʹnben persteteʹmesvuõđ leʹbe äärvast âânnmõõžž vääʹn äuʹǩǩen õnnum kulttuur årra.