Sääʹmturiism sertifikatt
Vaʹstteemvuõđlaž da eettlânji ǩeâllʼjeei sääʹmturiism sertifikatt lij sääʹmõutstõõzz vaaldšem da miõttâm veerǥlaž tobdstõs sääʹmturismmtoiʹmmjeeja, kååʹtt teâudd vaʹstteemvuõđlaž da eettlânji ǩeâllʼjeei sääʹmturiism vääras rajjum kriteeʹri kaiʹbbjõõzzid. Sertifikatt čuäʹjat, što toiʹmmjummuš lij saaʹmi jiiʹjjez priimmâm, ciʹsttai sääʹmkulttuur da -äʹrbbvuõđ di tuärjjad kulttuurlaž, sosiaalʼlaž, tällõõzzlaž da ekolooglaž ǩeâllʼjemvuõđ da ǩiõrddâmvuõđ.
Sertifikaatt vuäǯǯmõš kaiʹbbai:
- pääkklaž vuâđđkriteeʹri teâuddmõõžž (vaaldšmallaš, sosiaalʼlaž, kulttuursaž, ekolooglaž, tällõõzzlaž da vaʹstteemvuõđlaž saaǥǥtem vueʹssvuuʹd),
- põrggâz toiʹmmjem luândast ǩidd ååreeʹl jeeʹrab- da vaʹlljeemvuâlaž kriteeʹri čõõđtummuž (porrmõš- da/leʹbe puäʒʒturismm; vueʹllhaʹŋǩǩummuš da/leʹbe tuâjjlažkååʹdd obbväʹlddsaž harjjnâttmõš)
- Sertifikaatt kriteeʹrivuiʹm õʹhtte luämmlõõvvi, põrggâz jiiʹjjes Sääʹmturiism jieʹlli kulttuurkueʹstelm plaan (SMEKS) raajjmõõžž, koʹst tobdstet tååim vaaiktõõzzid luõttu, kulttuuʹre da pääiklažõutstõʹsse di suåvtet toiʹmmjummuž tõõi ǩeâllʼjemvuõđi da ǩiõrddâmvuõđi meâldlânji.
Sertifikatt toiʹmmai:
- grååtnâsvuõđ da sääʹmkulttuur obbvääldlaž ciʹsttjummuž čuäʹjteeʹjen di pääiklažõutstõõzzi da jieʹlli kulttuurkueʹstelm aarǥ da juuʹhl tuõđteei aiccjen da lokku vaʹlddjen,
- naʹddjõõzz da kvaliteeʹtt symboolân määtklaid, turismmsuârgga da õhttsažtuâjjkuõiʹmid,
- ohjjeemneävvan põrggsid, kookk haaʹlee õõuʹdeed toimmjummšes vaʹstteemvuõđlanji.
Ǩiõčč še
sámeturismma etihkalaš rávvagat, alggmeerturismm, aarktlaž pirrõs, sniimmʼmõš, kulttuurstaanvuõtt, põrtträäuh, jieʹlli kulttuurkueʹstelm, eettlaž ǩeâllʼjemvuõđ, vaʹstteemvuõđlaž sääʹmturismm, vuõigg teâđ juâkkmõš, äʹrbbvuõđlaž jieʹllemvueʹjj, dommtarbb, õutstõs, õutstõõzz priimmʼmõš, sosiaalʼlaž tåimmlååʹpp, sääʹmkulttuur, lokku välddmõš, heterogeenlažvuõtt, puäʒʒ, puõccui põõltõõllmõš, luõvâs pieʹnne, palggâmrääuh, tuõđlažvuõtt, kulttuurlaž identiteʹttsuâlõs, kulttuurlaž vuämstõõllmõš, hoʹhssjum äʹrbbvuõđ, laiʹnnʼjum äʹrbbvuõđ, stereotypia, primitivisâʹsttem, eksotisâʹsttem, zooifikaatio, käuʹnnen âânnmõš, rekvisitt
Liŋkk sääʹmturiism eettlaž vuäppõʹsse Vasttõõzzlaž da eettlânji ǩeâllʼjeei sääʹm-maatkčummuž toiʹmmjemvuâđđjurddi
Liŋkk vaʹstteemvuõđlaž turiist jooʹttivuäppõʹsse: Sääʹmturiism teâđ da tääid – vaʹstteemvuõđlaž turismm säʹmmlai dommvuuʹdest
Liŋkk eettlaž ǩeâllʼjemvuõđ animaatiooʹje: Obbväʹlddsaž ǩeâllʼjemvuõtt