Jooʹttivuäppõs
Jooʹttivuäppõs lij saaǥǥtemnääʹll, koonn veäkka vuäʹpstet kuõʹssid toiʹmmjed kueʹssjum pääiʹǩest vaʹstteemvuõđlanji, staanlânji nuʹtt pääiklažõõutstõõzz, pirrõõzz ǥu kulttuur ciʹsttjeeʹl da lokku vääʹldeeʹl. Tõn täävtõsân lij tueʹrjjeed ǩeâllʼjeei turiism, suõjjled pääiklaž luâđ da kulttuurääʹrb di ainsmâʹtted miõttlõs vuârrvaaiktõõzz jooʹttji da pääiklaž õõutstõõzz kõõskâst. Vuäppõs vieʹǩǩat turiistid fiʹttjed pääiklaž äärvaid da vuõʹjjid, mii tuejjad kaaunõõttmõõžžâst soojjlab, čiŋŋlab da miârkteejab pukid vueʹsspieʹlid.
Sääʹmteeʹǧǧ Vaʹstteemvuõđlaž turiist jooʹttivuäppõs meâlddõsmateriaalineez vuâđđââvv Sääʹmteeʹǧǧ priimmâm sääʹmturiism eettlaž vuäppõʹsse. Sunna Kitti koovtõs vieʹǩǩad fiʹttjed eettlaž vuäppõõzz saaǥǥ tõʹst, mõõn nalla toiʹmmjed, što pueʹttiäiʹǧǧ leʹčči kulttuurstaanlab, vaʹstteemvuõđlab da eettlânji ǩeâllʼjeejab säʹmmlai dommvuuʹdest. Vuäppõs tueʹrjjad še sääʹmkulttuur tuõʹllʼjem juätkkjemvuõđ. Sääʹmteeʹǧǧ vueʹssmannust 2022 õlmstâʹttem jooʹttivuäppõs lij Sääʹmteeʹǧǧ priimâm, õõutstõõzzi vuässâʹttem da kullum mušttlõõzzi pääiʹǩ sääʹmõutstõõzz jiiʹjjes saʹnneem da priimmâm vuäppõs- da teâttpaʹǩeʹtt turiistid. Tõt särnn, mõõn nalla toiʹmmjed kulttuursânji, sosiaalʼlânji da pirrõõzz peäʹlnn ǩeâllʼjeeinalla säʹmmlai dommvuuʹdest. Vuäppõs âânn seʹst nuʹtt mõõntõõllâm tääʹzz toiʹmmjemvuäʹppõõzzid ǥu tuâǥǥažteâđ tõʹst, mõõn nalla ciʹsttjed da väʹldded lokku sääʹm kulttuur, äʹrbbvuõđlaž jieʹllemvuõʹjjid, pââʹss paaiʹǩid, luâđ da pääiklažõõutstõõzz rääuh.
Jooʹttivuäppõs vuâđđââvv kulttuur vaaldšeeʹji jiiʹjjez vuäinnmõõžžid – ij åålǥpeällsaž fiʹttjõõzzid – da tõn täävtõsân lij ainsmâʹtted, što turiisti toiʹmmjummuš tueʹrjjad pääiklaž pueʹrrvââjjmõõžž ij-ǥa tuejjed hääit.
Ǩiõčč še
alggmeerturismm, aarktlaž pirrõs, sniimmʼmõš, kulttuurstaanvuõtt, põrtträäuh, jieʹlli kulttuurkueʹstelm, eettlaž ǩeâllʼjemvuõđ, vaʹstteemvuõđlaž sääʹmturismm, vuõigg teâđ juâkkmõš, äʹrbbvuõđlaž jieʹllemvueʹjj, dommtarbb, sosiaalʼlaž tåimmlååʹpp, sääʹmkulttuur, lokku välddmõš, heterogeenlažvuõtt, puäʒʒ, puõccui põõltõõllmõš, luõvâs pieʹnne, lääʹǩǩšiõttummuš, tuõđlažvuõtt, kulttuurlaž identiteʹttsuâlõs, kulttuurlaž vuämstõõllmõš, hoʹhssjum äʹrbbvuõđ, laiʹnnʼjum äʹrbbvuõđ, stereotypia, primitivisâʹsttem, eksotisâʹsttem, zooifikaatio, käuʹnnen âânnmõš, rekvisitt
Liŋkk sääʹmturiism eettlaž vuäppõʹsse Vasttõõzzlaž da eettlânji ǩeâllʼjeei sääʹm-maatkčummuž toiʹmmjemvuâđđjurddi
Liŋkk vaʹstteemvuõđlaž turiist jooʹttivuäppõʹsse: Sääʹmturiism teâđ da tääid – vaʹstteemvuõđlaž turismm säʹmmlai dommvuuʹdest