Puásuipärtti

Jis tábáhtuvá puásuipärtti, suáiti ain 112-numerân.

Puásuipärtti uáivild päärti maađijjotoluvâst, mast fiävru tiäivá poccuin. Puásuipäärtih tábáhtuveh eromâšávt Laapist já puásuituálukuávlust, já toh tábáhtuveh jyehi ive tuhátteh.

Puásuipärtti toovât ekonomâlii vaahâg puásuituálleid, puáhtá hiäjusmittiđ ärbivuáválii iäláttâs hárjuttem já ellei pyereestvaijeem. Lasseen puásuipäärtih pyehtih tovâttiđ vyeijei já mađhâšeijei persovnvahâgijd já merhâšittee omâdâhvahâgijd.

Puásuipaartij tuástum lii uási ovdâsvástádâslii maađhâšmist já jotemist puásuituálukuávlust. Mađhâšeijeeh já irâttâsah kenigittojeh nuávdittiđ kuávlu jotolâhnjuolgâdusâid, eromâšávt liähturaijiittâsâid já puásuiváruttâsâid, sehe iberdiđ, ete poccuuh joteh rijjâ meid alda maađijijd. Muuneeld estim tuárjuh sierâlágáneh váruttemvuáháduvah, puásuiaaiđij kevttim sehe tiäđulâšvuotâ- já čuovviittâskampanjah. Tälviv poccui luodah maađijpiällást pyehtih munediđ ellei jotteem maađij oolâ, te taid kannat čuávvuđ tárkká.

Jis pärtti šadda, te vyeijee kalga pisániđ já toimâđ laavâ mield:

• Eesti lasevahâgijd
  • váárut eres jotoluv (om. váruttemkulmâháin)
• Iššeed ulmuid
  • huolât parttâšum ulmui vuosâiššeest
  • suáiti ájáttâlhánnáá etikuávdážân (112)
• Huolât poccust
  • visásmit, ete ellee ij pääsi kierdâđ.
  • almoot etikuávdážân ain, veikâ puásui juáđháččij-uv määđhi. Puásui sáttá jotteeđ kuhás, veikâ ličij lammâšum.
• Merkkii saje
  • sirde roopâ luoddâpiällás já merkkii uáinojeijen
  • roopâ ij uážu väldiđ fáárun
• Almoot vahâgijn
  • almoot táhádâsfinnodâhân, jis láá šoddâm olmooš- tâi omâdâhvahâgeh.

HUÁM! Almottemkenigâsvuođâ olášuthánnáá kyeddim lii rikkomuš.