Meahccebuollinváruhus

Meahccebuollinváruhus lea virggálaš váruhus, man Dálkediehtaga lágádus addá. Dat almmuha, ahte goikan eatnama dihte dan buolláma ja buollima leavvanriska lea hui stuoris. Meahccebuollinváruhusa áigge sajušdola cahkkeheapmi lea gildojuvvon, maiddái merkejuvvon dolastallansajiin, ja doaimma, mas bohtet čuonamat, galgá garvit.

Sámiid ruovttuguovllus meahccebuollimiid riska guoskkaha erenomážit bohccuid guohtumiid, luonddu ekosystemaid, kulturárbebáikkiid ja ealli kulturduovdagiid, maid billašuvvan heajudivččii árbevirolaš ealáhusaiguin bargama ja kulturárbbi seailuma. Dasa lassin veahkki lea dábálaččat guhkkin ja doaresbealde luottain. Meahccebuollinváruhusa čuovvun gullá de vásttolaš mátkeealáhussii, mátkeealáhusdoibmii ja servoša suodjaleapmái – dat dorvvasta sihke luonddu ja sámiid kultuvrralaš birrasa.

Daningo virggálaš váruhusat eai álo vealttekeahttá juvssa duođalaš diliid (olmmošlaš meattáhusa vejolašvuohta ovdamearkan diehtojuohkimis), mátkkálaččain gáibiduvvo maiddái ipmárdus dilis ja birrasa dárkun: goike luonddudiliin ferte leat fuolalut iige galgga cahkkehit dola, vaikko váruhus ii livččege virggálaččat fámus.