Sosiaallâš kyeddimnahcâ (sosiaalinen kantokyky)

Sämmilij päikkikuávlust sosiaallii kyeddimnaavcâ árvuštâleh sämisiärváduv sehe sämikulttuur siäilum já ovdánem uáinust. Sosiaallii kyeddimnaavcâ toleransraajijd árvuštâldijn kalga miäruštâllâđ mađhâšeijei já mađhâšemtuáimei páihálávt tuhhiittettee enâmusmere, kuás tot vaaikutškuát hiäjusmitteht sämisiärváduv identiteet tobdon, eellimvuáhán, sosiaallii lattiimân tâi taavijd. Mađhâšem ij koolgâ moonnâđ sämisiärváduv hiäđui tâi vuoigâdvuođâi lappâđ ijge vaikuttiđ negatiivlávt sämisiärváduv palvâlusâi táásán. Meid mađhâšeijei uáinust mađhâšeijei meeri já mađhâšemohjelmpalvâlusâi mere oohtânhiäivulâšvuotâ kalga pissoođ tuhhiittettee tääsist mađhâšeijei äššigâstuđâvâšvuođâ hiäjusmithánnáá.Sosiaallii kyeddimnaavcâ heiviittâllâm puáhtá leđe huámášittee meid sämisiärváduv siste já tot lii kiddâ ovdâmerkkân tast, ete lii-uv siärváduv jesânáid maađhâšmist njuolgâ tâi epinjuolgâ hiäđu, mon kukken siärvádâh tâi ton jesâneh láá vuáđupalvâlusâin sehe tast, maht mađhâšem lasanem vaaikut ovdâmerkkân siärváduv tâi ovtâskâs ulmui vuáđutorvo tobdon. Sosiaallii kyeddimnaavcâ karttiidijn kalga-uv árvuštâllâđ meid vuáđuinfrastruktuur kyeddimnaavcâ, ko mađhâšeijeemeeri šadda sehe páihálávt ete ääigi háárán ko váldoo vuotân sesongij heiviittâllâm. Jis annoo, ete tiätu čuosâttâhân sundešum mađhâšem tâi mađhâšeijeeh hettejeh páihálij vuáđueellim tâi vuáđutáárbui tevdim tâi ete mađhâšem tâi mađhâšeijeeh vaikutteh negatiivlávt páihálij ulmui vuáđutorvolâšvuođâ tobdon, te tilálâšvuotân kalga tarvaniđ já viggâđ rievdâdiđ tom nuuvt jotelávt ko máhđulâš, vâi sämisiärváduv, eres páihálii siärváduv tâi mađhâšeijei pyereestvaijeem ij huánnán.