Sosiaallâš killeelvuotâ (sosiaalinen kestävyys)

Sosiaallii killeelvuođâ puáhtá miäruštâllâđ sehe páihálij ulmui já mađhâšeijee uáinust. Vâi mađhâšem ličij sosiaallávt killeel páihálii sämiaalmug uáinust, kalga mađhâšemiäláttâs väldiđ huámmášumán páihálij ulmui táárbuid sehe mađhâšem já tast šaddee nubástusâi vaikuttâsâid sii aargân já eellimkvaliteetân. Mađhâšem kalga pyehtiđ haldâšiđ já tast kalgeh leđe čielgâ rääjih, maid nuávditteh. Sosiaallávt kilelis maađhâšmist šaddee hiätu kalga juáhásiđ nuuvt vijđáht ko máhđulâš páihálii aalmug kooskâst ovdâmerkkân páihálii infrastruktuur já palvâlusâi puáránem häämist. Meid maađhâšmist šaddee sämisiärvádâhân čyeccee negatiivliih vaikuttâsah kalgeh leđe nuuvt uccáá ko máhđulâš. Tehálâš sosiaallii killeelvuođâ uássin lii-uv sämisiärváduv mieldi väldim já jieijâs eellimpirrâsân čyeccee mađhâšem vaikuttemmáhđulâšvuođah. Mađhâšemsyergi já mađhâšeijei luánduresursijguin ávhástâllâm ij uážu hiäjusmittiđ ärbivuáválij iäláttâsâi ijge sämisiärváduv máhđulâšvuođâid kevttiđ kuávlu luánduriggoduvâid.