Kulttuurlii kyeddimnaavcâ (kulttuurinen kantokyky)

Mađhâšeijeeh já/tâi mađhâšemtooimah iä koolgâ njuolgist tâi epinjuolgist mutteđ sämikulttuur tego ovdâmerkkân kietâtuojijd, oskomušâid, ärbivuovijd tâi taavijd. Annoo, ete kulttuurlâš kyeddimnahcâ ij pijssáá, jis sämimađhâšem pyevtittâssân rähtimist tâi oovdânpyehtimist annoo tâi pahuduvvoo lemin háittu sämikulttuur siäilumân, ovdánmân já/tâi sirdemân puáttee suhâpuolváid. Jis puáhtá pahudiđ, ete maađhâšmân lohtâseijee tooimah tâi mađhâšeijeeh njuolgist kepideh sämikulttuurân kullee tiettumhaamijd, te annoo, ete láá moonnâm kulttuurlii kyeddimnaavcâ paijeel. Ovdâmerkkân täst puáhtá mainâšiđ sämimááccuh kevttim: jis ohtâ-uv sämmilâš ij kárvudât sämimááccuhân, ko ij haalijd karttâđ mađhâšeijei keččâm tâi kuvvim čuosâttâhhân, te annoo ete láá moonnâm kulttuurlii kyeddimnaavcâ paijeel.