Kunnijâttem

Kunnijâttem lii jurdâččemvyehi já toimâ, mii oovded vuáruvaikuttâs já tuálvu ovdâskulij. Tot vuáđuduvá ulmuu, siärváduv tâi ääši kuáttá tubdum áárvustanemân tâi ibárdâsân. Tot uáinoo nube áárvu, vuoigâdvuođâi já raajij tuubdâstmin, kuldâlmin já huámmášumán väldimin, já puáhtá anneeđ sistees ihâstâllâm, mutâ meid tuš täsiviärdásâšvuođâ já olmoošáárvu kunnijâttem tobdočonâlâsvuođâttáá. Kunnijâttem lii lonolâš já huksee luáttámuš, ávusvuođâ já rávhálii paldâlâseellim.

Kunnijâttem lii sämisiärváduv jieš tubdâstâm já tuhhiittem toimâ, mii čáittá áárvustanneem sämmilij áárvui, tiäđui, taavij, ärbivuovij, enâmij, čácáduvâi já kulttuuräärbi kuáttá. Tot ij vuáđuduu ulguupiälásii uáinun, peic kulttuur haldâšeijei jieijâs miäruštâlmân tast, mii lii hiäivulâš já eettisâš. Kunnijâttem uáinoo kuldâlmin, puigâ oovtâstpargo porgâmin, love koijâdmin, sämmilij jiešmeridemvuoigâdvuođâ tuubdâstmin já ton visásmitmin, ete toimâ tuárju siärváduv pyereestvaijeem já kulttuur eellimvyeimi.