Ruovttudárbu

Ruovttudárbu oaivvilda luondduriggodagaid, dego guoli, fuođđu, murjjiid, šattuid, muora dahje eará materiálaid, geavaheami ovddemustá iežas dárbui almmá gávppálaš mihttomeari haga.

Sámekultuvrras ruovttudárboatnu gullá bissovaččat árbevirolaš ealáhusaide ja eallinvuohkái, mas luondduriggodagat adnojuvvojit ávkin suvdilis vugiin ja dat gullet jagiáiggiid birrajohtui ja servoša iešbirgejupmái. Ruovttudárboanu prinsihpaide gullet, ahte sálaš dahje oažžumuš geavahuvvo ovdasajis iežas borramušfuolahussii, dujiide dahje eará ruovttudoalu dárbui, ja ahte geavahus lea heivehuvvon luonddu ođasmuvvan- ja guoddinnákcii. Ruovttudárbobivdu ja -čoaggin sáhttet guoskat ovdamearkan bohccobierggu, guoli, meahccebivddu, murjema dahje čoaggima (ee. lastagihput, gámasuoinnit). Ruovttudárbui vuođđuduvvi luondduriggodagaid geavahus gullá sámeservoša beaivválaš eallimii. Ruovttudárbbu kultuvrralaš oktavuođa ovdanbuktin doarju vásttolaš ja ehtalaččat suvdilis geavahusa ja luonddu birrajođu gudnejahttima, ja nanne oktavuođa guovllu eallinvuohkái.

Vásttolaš mátkkálaš ja vásttolaš ja maid ehtalaččat suvdilis mátkeealáhusdoalli dahje -doaibmi gudnejahttá ruovttudárbbu kultuvrralaš dehálašvuođa. Son vuhtiiváldá iežas salašmearis ehtalaččat suvdilis vuogi doaibmat: bivdá ja čoaggá govttolaš meriid dušše iežas dárbui.