Kulttuurärbi

Kulttuuráárbán kuleh moonnâmääigist ärbejum materiaalliih já immateriaalliih ääših tâi vuáháduvah, moh spejâlisteh ulmui áárvuid, oskomušâid, tiäđuid já ärbivuovijd. Kulttuurärbi lii proosees, mii ana sistees jieškote-uv ääigi sierâlágánijd áárvuid já merhâšuumijd já tai sirdem ovdâskulij.

Taan ohtâvuođâst kulttuurärbi uáivild sämmilij materiaallii já immateriaallii ellee äärbi, mii sirdâšuvá suhâpuolvâst nuubán já čáittá sämmilii identiteet, maailmkode, áárvuid, historjá já luándukoskâvuođâ. Kulttuuráárbán kuleh ei. kielah, ärbivuáválâš tiätu já tááiđuh, oskomušah, maailmkove, tiiŋgah sehe pääihih já enâduvah. Kulttuurärbi lii muttojeijee já aktiivlâš uási sämisiärváduv elimist.

Kulttuurärbi lii algâaalmug sämmilij omâdâh, já ton siäiluttem, oovdânpyehtim já kevttim maađhâšmist kulá kulttuur hárjutteijei miärádâsvááldán. Kulttuuräärbi kevttim maađhâšmist váátá FPIC-prinsiip miäldásii mietâmâš já ton suojâlem lii ovdâsvástádâslii já eettisávt kilelis sämimađhâšem vááimus.