Vuogáiduvvan (sopeutuminen)

Sápmelaččat eai leat figgan rievdadit luonddu, sii leat baicce vuogáiduvvan lundui. Luonddu suvdilis ávkkástallan leamašan sápmelaččaide ja sin árbevirolaš ealáhusaide dehálaš čađa áiggiid, danin go luondu ja eana leat ealihan sápmelaččaid. Sápmelaččaid eallinvuohki lea vuogáiduvvan birrasa vejolašvuođaide ja ráddjehusaide jo duháhiid jagiid. Vuoikko sápmelaččaid eallinvuohki, kultuvra ja árbevirolaš ealáhusat leat rievdan ođđa bargovugiid ja -neavvuid ja servodatlaš váikkuhanvejolašvuođaid mielde áiggis áigái, daid vuođđun leat liikká árbevirolaš diehtu ja máhttu. Sápmelaččaid kultuvrra seailuma ja ovdáneami eaktun leat vel otná beaivvege dat, ahte árbevirolaš dieđut ja dáiddut ja intellektuála resurssat sirdásit ođđa buolvvaide.