Gudnejahttin

Gudnejahttin lea jurddašanvuohki ja doaibma, mii hukse ja doalvu ovddosguvlui vuorrováikkuhusa, ja mii vuođđuduvvá olbmo, servoša dahje ášši buohta dovdojuvvon árvvusatnimii dahje ipmárdussii. Dat boahtá ovdan nuppi árvvu, vuoigatvuođaid ja rájiid dovddasteami, guldaleami ja vuhtiiváldima bokte, ja sáhttá sisttisdoallat hervvošeami, muhto maiddái dušše ovttaveardásašvuođa ja olmmošárvvu gudnejahttima almmá dovdočanastagaid. Gudnejahttin dáhpáhuvvá guktuid guvlui ja hukse luohttámuša, rabasvuođa ja soabalaš bálddalagaid eallima.

Gudnejahttin lea doaibma, man sámesearvvuš ieš dovdá ja dohkkeha, ja mii čájeha sámiid árvvuid, dieđu, vieruid, árbevieruid, eatnamiid, čázádagaid ja kulturárbbi árvvusatnima. Dat ii vuođđuduva olggobealat oidnui, muhto kultuvrra hálddašeaddjiid iežaset meroštallamii das, mii lea heivvolaš ja ehtalaš. Gudnejahttin oidno guldaleami, albma ovttasbarggu, lobi jearrama ja sámiid iešmearridanvuoigatvuođa dovddasteami bokte ja dan sihkkarastima bokte, ahte doaibma doarju servoša buresveadjima ja kultuvrra eallinfámu.