Árbevirolaš diehtu

Sápmelaš luonddu máŋggahápmásašvuhtii gullevaš árbevirolaš diehtu boahtá ovdan sápmelaš luonddugeavaheamis ja árbevirolaš sámeealáhusain dahjege boazodoalus, guollebivddus, meahccebivddus, čoaggimis ja dujiin ja luondogaskavuođas. Diehtu sirdása sámegiela lundui, duovdagii, dálkái, boazodollui, dujiide, bivdui ja guollebivdui gullevaš terminologiijas ja sámegielat báikenamain. Árbevirolaš diehtu sirdo diđolaš oahpaheami, boarrásut buolvvas ožžojuvvon málle, juigosiid ja njálmmálaš máinnastanárbbi bokte ja boazodoallo-, guollebivdo-, čoaggin duodje- ja meahccebivdonvieruid bokte.