Päikkitárbu

Päikkitárbu uáivild luánduriggoduvâi, tego kyele, meccivalje-ellei, muorjij, šadoi, muorâ tâi eres amnâsij, kevttim iänááš jieijâs táárbun kávpálii ulmettáá.

Sämikulttuurist päikkitárbukevttim lohtâs nanosávt ärbivuáváláid iäláttâssáid já eellimvuáhán, mast luánduriggoduvah kiävttojeh kilelis vuovvijn uássin iveaaigij juurrâm já siärváduv jiešráđálâšvuođâ. Päikkitárbukevttim prinsiipáid kulá, ete saalâs tâi finnim kiävttoo vuosâsaajeest jieijâs purrâmušhuolâttâsân, kietâtuojijd tâi päikkituálu eres táárbun, já ete kiävttu lii vuáhádum luándu uđâsmum- já kyeddimnaahcân. Päikkitárbupivdo já -nuurrâm pyehtih kuoskâđ ovdâmerkkân poccuupiärgun, kuálán, miäcástmân, muorjiimân tâi nurâmân (ei. lostâkiästuh, kamuvsyeinih). Päikkitáárbun vuáđuduvvee luánduriggoduvâi kevttim lii uási sämisiärváduv jyehipiäiválii elimist. Päikkitáárbu kulttuurlii ohtâvuođâ oovdânpyehtim tuárju ovdâsvástádâslii já eettisávt kilelis kevttim já luándu pirrâjotteem kunnijâttem, já naanood ohtâvuođâ páihálii eellimvuáhán.

Ovdâsvástádâslâš mađhâšeijee já ovdâsvástádâslâš sehe eettisávt kilelis mađhâšemirâtteijee tâi -tuáimee kunnijât päikkitáárbu kulttuurlii tehálâšvuođâ. Sun váldá salâsmeerijn vuotân eettisávt kilelis vyevi toimâđ: pivdá já norá kuáhtulávt tuš jieijâs táárbun.