Oassálastinmáŧolašvuohta

Oassálastinmáŧolašvuohta lea proseassa, mas ovttaskas olbmot, joavkkut dahje servošat váldojit mielde mearrádusbargamii, plánemii, ollašuhttimii ja árvvoštallamii. Dat lea vuohki aktiveret ja movttiidahttit olbmuid oassálastit ja oažžut osolašvuođa vásáhusaid.

Oassálastinmáŧolašvuođain ulbmilin lea nannet osolašvuođa ja searvvušlašvuođa, lasihit luohttámuša, oktiigullevašvuođa ja váikkuheami vejolašvuođaid ja maid buoridit mearrádusbargama kvalitehta, rabasvuođa ja čatnašumi. Dan sáhttá ollašuhttit sierra dásiin ja konteavsttain, dego servošiin, bargosajiin, skuvlemis ja politihkas.

Oassálastinmáŧolašvuođa vuogit leat ovdamearkan almmolaš gullamat, bargobájit, dialogat, jearahallamat, forumat, oassálastinmáŧolašvuođa addin plánemii ja maid digitála vuođut. Lihkostuvvan oassálastinmáŧolašvuođaproseassa gáibida diđolaš plánema, vai buohkaid jietna gullo ja oassálastin vásihuvvo eanet mearkkašahttin ja beaktilin. Oassálastinmáŧolašvuohta lea vásttolaš ja ehtalaččat suvdilis sámemátkeealáhusa čiehkageađgi.

Dán oktavuođas oassálastinmáŧolašvuohta oaivvilda proseassa, mas sámeservoša lahtut váldojit mielde sihke ođđa ja juo doaibmi mátkeealáhusdoaimma árvvoštallamii ja ovddideapmái. Oassálastinmáŧolašvuohta sáhttá oaivvildit maiddái eakti ságastallama ovdamearkan dalle, go mátkkálaččaid mearis bohtet ovdan hástalusat dahje go muhtun doaibmanvuohki ii leat dohkkehuvvon servošis. Vejolašvuođaid mielde oassálastinmáŧolašvuohta ollá maiddái mearrádusbargamii ja ollašuhttimii vugiin, mii gudnejahttá sámeservoša iešmearridanvuoigatvuođa ja áššedovdámuša.

Oassálastinmáŧolašvuohta oaivvilda eakti ovttasbarggu ja ságastallama huksema, mas searvvuš sáhttá váikkuhit doaimma sisdollui, ulbmiliidda ja kultuvrra ovdanbuktinvugiide juo árra muttus, ovdal mearrádusaid bargama. Dat doarju sámekultuvrra eallinfámu, garvá hehttehusaid ja ávkkuha servoša ovttaveardásaččat. Sosiálalaš ja kultuvrralaš doaibmalobi juksan gáibida doaibmanvuogi, mii addá oassálastinmáŧolašvuođa.