Puäʒʒpäʹrtt

Puäʒʒpäʹrtt šõõddeen sååit pâi 112-nââmra.

Puäʒʒpäʹrtt miârkkšââvv čuõkku âʹlnn šõddi pääʹrt, koʹst vuejjamneävv vuejj puõccu õõl. Puäʒʒpääʹrt sättje aainâs Lappist da puäʒʒhåiddamvuuʹdest, da tõk šâʹdde dohti mieʹldd eeǥǥlânji.

Puäʒʒpäʹrtt šõõddat tällõõzzlaž skääđ puäʒʒhåiddjid, vuäitt vaareed äʹrbbvuõđlaž jieʹllemvueʹjj harjjtummuž da rââʹžžeed puõccui piʹrǧǧummuž. Lââʹssen puäʒʒpääʹrt vuäiʹtte šõõddted jååʹđteeʹjid da maatkčeeʹjid paaʹrtid di miârkteei skääđaid jeällmõʹšše.

Puäʒʒpaaʹrti cõggmõš lij vaʹstteemvuõđlaž turiism da puäʒʒhåiddamvuuʹdest liikkeem vueʹssen. Turiistid da põrggsid õõlǥtet jääʹǩǩted vuuʹd jååttlõkvuâkkõõzzid, jeäʹrben hooddrajjtõõzzid da puäʒʒvaartõõzzid, di teâđsted, što puõccu likkee luâđast še čuõkkui ââlda. Õõudpeäʹlnn tuärjjee jeeʹresnallšem vaartõsriâšldõõǥǥ, puäʒʒääidai âânnmõš di teâtt- da čuõvtõskampaanj. Täʹlvvääiʹj vuâttjeei puõccui ǩiõjj kuâŋŋ čuõkku vuäiʹtte čuäʹjted puõccui liikkummuž čuõkku âʹlnn, nuʹtt-ba tõiʹd kaʹnnat seuʹrrjed tärkka.

Pääʹrt šõõddeen jååʹđteei âlgg årsted da toiʹmmjed lääʹjj meâldlânji:

• Cõõgg lââʹsspaaʹrtid
  • vaarâd jeeʹres jååttlõõǥǥ (õuddm. Vaartõskolmmõõǥǥin)
• Vieʹǩǩet oummid
  • ââʹn huõl päʹrttšõõvvâm oummui vuõssvieʹǩǩest
  • sååit tâʹlles jieʹttkõõskõʹsse (112)
• Ââʹn huõl puõccust
  • ainsmââʹtt, što puäʒʒ ij kuõđđu muõkkšõõvvâd.
  • iʹlmmet jieʹttkõõskõʹsse pâi, håʹt puäʒʒ juätkči määʹtǩes. Lammšõõvvâm puäʒʒ vuäitt še jååʹtted kuʹǩes määʹtǩ.
• Mieʹrǩǩed pääiʹǩ
  • seeʹrd kroopp čuâǥǥaskuâŋŋsa da mieʹrǩǩed kueʹsttemnalla
  • kroopp ij vuäǯǯ väʹldded mieʹldd
• Iʹlmmet pääʹrtest
  • iʹlmmet ååsktõsõhttõʹsse, jos lie šõddâm skääđ oummuid leʹbe jeällmõʹšše

HOʹHSSE! Iʹlmmtemõõlǥtõõzzâst läʹǧstõõttmõš lij lääʹjj vuâstta.