Kietâtyejeh (käsityöt)

Ohtâ sämmilij ärbivuáválâš iäláttâsâin lii sämityeji. Sämityeji lii tavesämikielân duodji, aanaarsämikielân tyeji já nuorttâsämikielân tuejj. Ärbivuáválávt sämityeji lii rahtum argâpeeivi tárboid tego pihtâseh já kammuuh já eres lasekáárvuh sehe kárbáh, kerriseh, kietkâmeh já poloh. Sämituojij rähtimân láá šoddâm uđđâ pargovyevih, mutâ tai uđđâ vuovij vuáđđun láá ärbivuáválávt kevttum vyevih já ärbivuáválâš tiettim. Sämikielâin poccuid, poccuu čorvijd, luándun já sämituojijd já tyejivuovvijd lahtâs jieijâs terminologia, mast tuše uási lii sirdum suomâkielân. Ärbivuáválâš tiettim já máátu já kielâ luándulâš sirdâšum suhâpuolvâst nuubán váátá nuorâb suhâpuolvâ aktiivlâš já nuhâmettum uásálistem sämituojij rähtimân oovtâst puárásub suhâpuolvâiguin.