Ellee kulttuur (elävä kulttuuri)

Ellee kulttuur iälá ääigist já pääihist vuáháduumáin tááláá ääigi hiäđoid já hástusáid. Sämikulttuurist ij pyevti sierriistâllâđ pirâstittee luándu ađai sämmilâš ellee kulttuurenâduv, ton kevttim, sämikielâ, ärbivuáválâš iäláttâsâid teikkâ eres kulttuurolgospyehtimijd nubijdis peic toh hämmejeh oovtâst iärutmettum olesvuođâ, mast puoh uásih lohtâseh já vaigutteh nubijdis. Jis ovdâmerkkân ohtâ uási láppoo teikkâ ton toimâmkuávlu raijâšuvá, te taah vaiguttâsah tobdojeh tállán eres uásist. Sämikulttuur miäruštâllâm lii-uv merhâšitteht vijđásub já maaŋgânálásub ko táválávt kevttum kulttuurmiäruštâlmeh. Ovdâsvástádâslâš mađhâšeijee kunnijât já váldá huámmášumán páihálâšsiärváduvâi aargâ já juhle teivâdmáin ulmuid olmožin, ij uáinámuššân. Ovdâsvástádâslâš mađhâšeijee tiptá kulttuur haldâšeijei hárjuttiđ sii kulttuur mađhâšeijee tovâttem hemâdâsâittáá já kunnijât páihálij priivaatvuođâ. Taat luhostuvá ei. uápásmuumáin muuneeld mätkisaje jiešvuođáid nuuvt, ete totká lyetittettee tiätukäldeid.