Tiõrv pueʹttem Euroopp alggmeerturismmkonferenssa EITC 2025:e!

World Indigenous Tourism Alliance (WINTA) õõutsââʹjest Sääʹmtiiʹǧǧin da Lappi universiteeʹttin kåčč pukid Euroopp alggmeerturismmkonferenssa EITC 2025:e, koonn jäʹrjstet 20.−22.5.2025 Aanrest. Vuässõõttâd vuäitt nuʹtt pääiʹǩ âʹlnn ǥu ougglõsõhttvuõđin.

Konfereʹnss vuäjjan eettlânji ǩeâllʼjeei alggmeerturiʹsmme. Jäʹrjsteei tuäivte pakkmiõʹlle tiõrvpueʹttjen pukid koid äʹšš ǩeäss, jeäʹrben alggmeeraid kuulli turismmpõõrǥâsniiʹǩǩid da čõõnâsjooukid Sääʹmjânnmest, Ruânnjânnmest da jeeʹresåʹrnn maaiʹlmest di jeärrsid äšša kuulli turismmsektoor eeʹttkõʹsttjid, seämmanalla ǥu alggmeertuʹtǩǩeeʹjid.

Vueʹssen konfereeʹnsest jäʹrjstet 20.5.2025 alggmeerturiism tuʹtǩǩeemsymposium. 21.−22.5.2025 vuäjjnet eettlânji ǩeâllʼjeei alggmeerturiism vuâkka.

Konfereeʹnsest lij simultaantuʹlǩǩummuš eŋgglõsǩiõʹlle, aanar-, nuõrtt- da tâʹvvsääʹmǩiõlid di lääʹddǩiõʹlle lokku vääʹldǩâni tuʹtǩǩeemsymposium, koonn ǩiõllân lij tåʹlǩ eŋgglõsǩiõll.

Iʹlmmtõõttmõš konferenssa lij tääiǥ. Ougglõsvuässõõttjid ij leäkku iʹlmmtõõttâm-mähss. Pääiʹǩ âʹlnn vuässõõttjin peʹrrjet vuässõõttâm-määus käʹtted porrmõškoolaid. Pääiʹǩ âʹlnn vuässõõđi vaʹsttee jiijj še mäʹtǩǩ- da innsââʹjjkoolain. Iʹlmmtõõttâmseeidain käunnai vuäǯǯmest åårrai innsââʹjjpaaiʹǩin teâtt.

Mättʼtõs- da kulttuurministeria lij miõttâm spesiaalveäʹǩǩvuõđ konfereeʹns jäʹrjstem vääras.

Alggmeerturiism tuʹtǩǩeemsymposium

World Indigenous Tourism Alliance (WINTA) õõutveäkka Sääʹmtiiʹǧǧin da Lappi universiteeʹttin kåčč pukid Alggmeerturiism tuʹtǩǩeemsymposiuuʹme, koonn jäʹrjstet 20.5.2025 Aanrest vueʹssen Euroopp alggmeerturismmkonfereeʹnsest EITC 2025:st. Vuässõõttâd vuäitt še ougglõsõhttvuõđin.

Jäʹrjstõõllâmtåimmkåʹdd räukk vuõltteed abstraaktid tuʹtǩǩeemsymposiuuʹme. Tuäivvap mieʹldd empiirlaž tuʹtǩǩeempõʹmmjid jeeʹres tiõđsueʹjin mieʹldd looǥǥeeʹl turismm- da alggmeertuʹtǩǩummuš, õhttsažkåʹddtiõđ veiddsõbân, tällõstiõđ da vuõiggâdvuõtt-tiõđ. Akateemlaž põʹmmji lââʹssen smeʹllkâʹttep rääʹsstääʹzz alggmeerõõutstõõzzid vuõltteed jiiʹjjes čuäjtõõzzid, kookk vuâđđâʹvve sij ǩiõččmid da maaiʹlmkooveez. Uʹvddep vuõss-sââʹj čuäjtõõzzid, kookk vuâđđâʹvve alggmeerai naaʹlid õlmmeed teâđ (ouddm. mainnâz leʹbe laaul) da vuäiʹtte toiʹmmjed viõkkuʹvddi inspiraatio käivvan alggmeerõutstõõzzid da – põõrǥâsniiʹǩǩid.

Symposiuum teeʹmm da ǩieʹssi äʹššvuuʹd

Tuʹtǩǩeemsymposiuum teeʹmmen lij turismm da alggmeerai kulttuuräʹrbb. Turiism da alggmeerai kulttuurääʹrb kõõsk da õhttvuõđ, äʹnstemviârtõõzz, äärvouddmõš da leiʹǧǧ rajjtõõzz lie leämmaž kõrrsen saǥstõllum ääʹšš. Ǥu turismm lij alggmeerjååʹđtõõzzâst leʹbe oouʹduum ciʹsttjeei kueiʹmmkõskkvuõđâst pääiklaž alggmeerõutstõõzzivuiʹm, tõʹst vuäitt leeʹd samai kaallšõs rool kulttuur seeiltummšest da jeälltummšest, kuäʹss tõt taʹrjjad vueiʹttemvuõđid alggmeerõutstõõzzid da -põõrǥâsniiʹǩǩid. Alggmeerturismm vuäitt raaveed alggmeerõutstõõzzid tääl peäʹlnn raajeeʹl tuâjjpaaiʹǩid da tiânnsid äʹrbbvuõđlaž teâđ vaaldšeeʹjid da vueiʹttemvuõđid nuõrr puõlvvõʹǩǩe mättjed da šõddâd siltteei vuäppsen, maainâsčeäʹppen, ǩiõtt-tuâjjliʹžžen da põõrǥâsneʹǩǩen. Što tät vuäitči šõddâd tuõttân, alggmeerturismm âlgg vuäjted tõi õutstõõzzi sizz, koʹst teâtt puätt. Alggmeer âʹlǧǧe vueiʹtted mainsted jiiʹjjeez mainnsid turiism õhttvuõđâst.

Alggmeer da -tuʹtǩǩummuš lie kritisâsttam alggmeerai kulttuurääʹrb äuʹǩǩenâânnmõõžž turiismâst juʹn kuuʹǩǩ. Saǥstõõllmõõžž kulttuursaž äʹnstummšest da turiism hääitlaž vaaiktõõzzin alggmeeraid lie mââimõs lååʹjeeʹǩǩpõõʹji ääiʹj liâvvnam õõlmâs teâđstummša. Tän ǩeeʹjjest kulttuursaž äʹnstummuš da alggmeerai kulttuurääʹrb äuʹǩǩenâânnmõš lie vuäittam vuäǯǯad vaarčõõzzjab da peittsab häämaid peʹce turiismâst, nuʹtt še veiddsõbân jäärnaǩtååimast da populaarkulttuurâst. Ruânnpõõssma veʹrddeemnalla åårrai alggmeerpõõssmõš lij ođđ eettmõš, koon tän räjja lij tuʹtǩǩuum occanj turiʹsmme leʹbe jeeʹres jäärnaǩtåimma kuuleeʹl. Nuʹtt še tõn veiddsab õhttsažkååddlaž vaaiktõõzzid jeät leäkku jiânnai tuʹtǩǩuum.

Ruânnpõõssmõš lij še kõskksaž äʹšš turiismâst, kååʹtt šâdd alggmeerai jânnmin. Tõt vuäǯǯ turismmjäärnaǩtååim čuäʹjted ǩeâllʼjeeʹjen peeiteeʹl tõn soʹrmmes vaaiktõõzzid luâtt- da kulttuurpirrõõzzid. Ruânnpõõssji juuʹrdet leäʹmen vaʹstteemvuõđlaž, ǩeâllʼjeei põrggâz, da tän viggmõõžž sääʹttet veeideed kuõskkâd naaʹlid, koivuiʹm põrggâz âʹnne alggmeeraid da – kulttuurid. Jååʹttmen åårrai äimmõskriis da tõõzz kuulli ruânn seʹrddem pannvuõiggvuõđeezvuiʹm lie še vaarrân alggmeerai kulttuurärbba. Õuddmiârkkân Sääʹmjânnmest piõggstroiʹttli raajjmõš sätt vaar vuâlla puäʒʒhååid, kååʹtt juʹn ǩeârdd määdd äʹnstummšest, kuåivvsin, veiddsõs muõrrčuõppmõõžžin da jeeʹres ǩeâštʼteei mäddââʹnnemnaaʹlin, mieʹldd looǥǥeeʹl turiism. Ekomiârk da ǩeâllʼjeei turiism sertifikaatt vuäiʹtte peiʹtted sizz täid da jeeʹres pannvuõiggmiõllsažvuõđid. Seämma ääiʹj alggmeer räʹjje jiiʹjjes eettlaž vuäppõõzzid da sertifikaattid turiʹsmme tääʹvtõsân vuäǯǯad tõʹst ravvsõbân ǩidd. Turiismâst da alggmeerain vuäiʹtte še leeʹd luâđ suõjjlummšest õhttsaž intreeʹss. Aarktlaž turismm ij ooʹnnast pueʹrrvââjjai pirrõõzztaa.

Turismm äuʹǩǩad kulttuurääʹrb määŋgnalla. Museo, kookk meäʹrteeʹlmes meâldlânji rueʹǩǩe, seeilte da čuäʹjte kulttuurääʹrb, lie tobddsõmâs turismmpääiʹǩ. Meersaž kulttuurääʹrb õõl tõid lij jiânnai norrum alggmeerai kulttuuräʹrbb. Alggmeerai kulttuurääʹrb vuäʹmstummšest, vaaldšummšest da čuäʹjtummšest lij saǥstõllum määŋgai lååʹjeeʹǩǩpõõʹji ääiʹj nuʹtt museomaaiʹlm seʹst ǥu alggmeeraivuiʹm. Ânnʼjõžääiʹj alggmeerai vuõiggâdvuõtt kulttuurärbbses lij tobdstum õinn veiddsõbân. Tän ǩeeʹjjest alttuum norldõõǥǥi maacctemhaʹŋǩǩõõzz lie šõõddtam veiddsab kulttuuräʹrbbǩeeʹdd dekolonisaatiokaiʹbbjõõzzid da -põrggmõõžžid, koin kaauʹni maacctummuš jânnmeez lij čuäʹjtam čuõkku veiddsab õutstõsvuâlǥaž kulttuurääʹrb vaaldšmavälddmõʹšše da oʹđđestmeäʹrtõõllmõʹšše alggmeerai maaiʹlmin da vueʹlǧǧemsõõʹjin ǩiõččeeʹl. Museo alggmeervuâlǥaž oʹđđestmeäʹrtõõllmõs lij maaiʹlmveiddsaž eettmõš, koʹst museo jurddi taʹrǩstõõlât oʹđđest. Vaajtõsmääinlaž õutstõsvuâlǥaž maalli õõuʹdummuš – dekolonisaatio da alggmeerstummuš − lij ođđ saakkân še turismmsektoorâst turismmtuʹtǩǩummuž mieʹldd looǥǥeeʹl. Tääʹvtõsân lij raajjâd vuõiggmiõllsab õhttsažkååʹdd, tällõõzz da teâđpuuʹtʼtemnaaʹlid. Alggmeermuseoi da turiism kõskkvuõđid lij kuuitâǥ tuʹtǩǩuum tän räjja ooccanj.

Symposiuum miõllǩieʹssi äʹššen lie turiism, alggmeerai kulttuurääʹrb da täi äʹššvuuʹdi čuõppâmceäkkaz:

  • vaʹstteemvuõtt, ǩeâllʼjemvuõtt da vuõiggmiõllsažvuõtt
  • äimmõsmuuttâs da luâttjaukkmõš
  • kulttuursaž äʹnstummuš
  • kolonialismm, dekolonisaatio da alggmeerstummuš
  • eettlaž vuäppõõzz, sertifiâsttmõõžž
  • alggmeermuseo
  • ânnʼjõžäiggsaž alggmeerai kulttuurpuuʹtʼtummuš da kulttuuri jeälltummuš
  • suåvtõõllmõš
  • alggmeerõutstõõzzi vuässõõttmõš
  • alggmeerpõõrǥâsvuõtt da -jäärnaǩtååim õõuʹdummuš
  • alggmeerai ontologia, epistemologia da metodologia

Akateemlaž tuʹtǩǩeemabstraakt da õutstõsprojeeʹkti abstraakt

Älšsmâʹttep alggmeeraid kuullʼjid da kuulǩaʹnes tuʹtǩǩeeʹjid di alggmeerõutstõõzzid eeʹttkõʹsttjid čuäʹjteeʹjid vuõltteed abstraaktid. Akateemlaž tuʹtǩǩeeʹjin raukkâp abstraaktid, kookk lie jäänmõsân 400 sääʹnned kuuʹǩǩ (meädda looǥǥeeʹl teâttkääiv). Abstraakt âʹlǧǧe leeʹd ǩeeʹrjteeʹjes tuejjeem empiirlaž tuʹtǩǩummša vuâđđõõvvi da eŋgglõsǩiõʹlle.

abstraaktâst âlgg leeʹd:

  • pâʹjjǩeeʹrjtõs
  • 3−5 čooudsääʹn
  • vuäʹnkõs õʹhtteǩeässmõš tuâkksest, mõõntõõllmõõžžin, puʹhttmin da juurdpuättmõõžžin
  • õʹhtteǩieʹssemceälkkmõš tuâj miârktõõzzâst symposiuum temma.

Alggmeerõutstõõzzi čuäjtõõzz abstraakt âʹlǧǧe leeʹd eŋgglõsǩiõʹlle da jäänmõsân 500 sääʹnned kuuʹǩǩ. Tõi âlgg ââʹnned seʹst õutstõsprojeeʹkt:

  • pâʹjjǩeeʹrjtõs
  • 3−5 čooudsääʹn
  • vuäʹnkõs õʹhtteǩeässmõš projeeʹkt tuâkksest, õutstõõzzâst, koʹst projeʹktt lij čõõđtum, puåđõõzzin da juurdpuättmõõžžin puäđlva vääras
  • õʹhtteǩieʹssemceälkkmõš projeeʹkt miârktõõzzâst symposiuum temma.

Akateemlaž tuʹtǩǩeemabstraakt da õutstõsabstraakt âʹlǧǧe vuõltteed Microsoft Word – teâttõsân. Tõk âʹlǧǧe ââʹnned seʹst peäggtõõzz tõʹst, lij-a kõõččmõš akateemlaž avi õutstõsabstraaktâst di ǩeeʹrjteeʹji tiudd õhttvuõtt-teâđaid mieʹldd looǥǥeeʹl siʹjji:

  • nõõm
  • õhttvuõđid alggmeeraid, jos nåkam lie
  • organisaatio
  • neʹttpååʹštaddrõõzz

Abstraakti vuõltteeʹji vaʹstteemnalla lij, što abstraakti ǩiõl vuõiggvuõtt lij taʹrǩstum. Ooʹccmõsân õhtt ǩeeʹrjteeʹjin âlgg vuässõõttâd symposiuuʹme pääiʹǩ âʹlnn leʹbe ougglõsõhttvuõđin, što põʹmmai vueiʹtet priimmâd loopplaž prograʹmme.

Abstraaktid vuõltteet neʹttpååʹšt mieʹldd addrõʹsse:

Symposiuum ǩiõll lij eŋgglõsǩiõll.

Ärvvtõõllâmproseʹss

Pukid abstraaktid verddsõsärvvtõõlât. Ärvvtõʹlle ärvvtâʹlle abstraaktid da tuejjee siâzztõõzzid jäʹrjstõõllâmtåimmkådda vaʹlljummši vääras. Jäʹrjstõõllâmtåimmkåʹdd tuʹmmad, priimât-a avi heelǥeet-a jeeʹrab abstraakt avi raaukât-a tõn teevvad. Jäʹrjstõõllâmtåimmkååʹdd tuʹmmstõõǥǥ lie looppla.

Puuʹtʼtõõzz

Alggmeerturiism tuʹtǩǩeemsymposiuuʹme primmum da toʹben čuäʹjtum akateemlaž da õutstõsprojeʹkttabstraakti raajjivuõiggâdvuõđ kuâđđje tuejjeejeez. Konfereeʹns neʹttseeidain õlmstââʹttet abstrakttǩeeʹrj pdf-häämast õuʹddel symposiuum.

Symposiuum mâŋŋa akateemlaž ǩeeʹrjteeʹjin lij vueiʹttemvuõtt õlmstâʹtted põʹmmjes õlltääʹzz meeraikõskksaž akateemlaž lõõst spesiaalnââmrest. Spesiaalnââmra vuõlttuum põʹmmai mâʹnne čõõđ lõõst normaal verddsõsärvvtõõllâmproseeʹss ij-ǥa jäʹrjstõõllâmtåimmkåʹdd tõn diõtt vueiʹt låʹppeed tõi õlmstâttmõõžž.

Vaʹlljuum õutstõsprojeeʹktid taʹrjjeet vueiʹttemvuõđ õlmstâʹtted õʹhtteǩieʹssmid projeeʹkteez pirr konfereʹnssrapoortâst, koonn õlmstââʹttet ääv neʹttčõõđtõsân TemaNord- õlmstâʹttemrääidast konfereeʹns mâŋŋa. Õlmstâttmõõžž puuʹtʼteeʹjen lij Ǩeâllʼjeei alggmeerturismm Tâʹvvjânnmi aarktlaž vuuʹdin -projeʹktt, koon teäggat Tâʹvvjânnmi Ministersuåvtõõzz aarktlaž õhttsažtuâj programm. Projeʹktt tuärjjad konfereeʹns čõõđ viikkmõõžž.

Iʹlmmtõõttmõš

Iʹlmmtõõttmõš tääiʹben. Ougglõsvuässõõttjid ij leäkku iʹlmmtõõttâm-mähss. Pääiʹǩ âʹlnn vuässõõttjin peʹrrjet iʹlmmtõõttâm-määus käʹtted kõskkpeiʹvvporrmõõžž da kooʹfi koolaid. Pääiʹǩ âʹlnn vuässõõtti mäʹhsse jiijj še mäʹtǩǩ- da innsââʹjjkoolain. Iʹlmmtõõttâmseeidain käunnai teâtt vuäǯǯmest åårrai innsââʹjjpaaiʹǩin.

Tääʹrǩes peiʹvvmeäʹr

30.11.2024: Mââimõs peiʹvv vuõltteed abstraakt
15.1.2025: Abstraakti ǩeeʹrjteei vuäǯǯa teâđ jäʹrjstõõllâmtåimmkååʹdd tuʹmmstõõǥǥin abstraakteez kuõskeeʹl
31.1.2025: Mââimõs peiʹvv primmum abstraakti ǩeeʹrjteeʹjid raaveed põʹmmai čuäʹjtummuž symposiuumâst
20.5.2025: Abstraakti ǩeeʹrjteei čuäʹjte põʹmmjes alggmeerturiism tuʹtǩǩeemsymposiuumâst Lââʹssteâđ:

Symposiuum jäʹrjstummuž teäggat Lääʹdd Mättʼtõs- da kulttuurministeria.

Iʹlmmtõõttmõš

Konfereeʹns jäʹrjstet hybriidân, vuässõõttâd vuäitt nuʹt pääiʹǩ âʹlnn Aanrest Sääʹmkulttuurkõõskõs Sajoozzâst leʹbe ougglõsõhttvuõđin. Maksimvuässõõttimieʹrr pääiʹǩ âʹlnn Aanrest lij 200. Puk vuässõõtti, kueʹss da mainsteei âʹlǧǧe iʹlmmtõõttâd konferenssa. Konfereeʹnsest ij leäkku vuässõõttâm-mähss, leša jäʹrjsteei nåʹrre stuällõõttâmkoolaid vuässõõttjin (prograʹmme mieʹrǩǩuum kååʹf da kõskkpeiʹvvporrmõõžž). Stuällõõttâmkoolaid âlgg mäʹhssed õuddǩiõʹtte. Kõskkpeiʹvvporrmõõžžid taʹrjjee koolm restraantâst, Sajoozzâst, Siidast da Wilderness Juutuast.

Paikan päällä osallistuville ilmoittautuminen on auki 11.5. asti ja etänä osallistuville 22.5. asti.

Iʹlmmtõõđ konferenssa da jeäʹǩǩesprograʹmme ââʹneeʹl tän iʹlmmtõõttâmlomaakk. Lomakk lij eŋgglõsǩiõllsaž. Jos tuʹnne lij vaiggâd tieuʹdded lomaakk vääʹld õhttvuõđ koŋŋgreʹsskääzzkõʹsse (), koʹst tuu vieʹǩǩtet lääddas.

Stuällõõttâm-määus:

  • Kååʹf da kõskkpeiʹvvporrmõš Sajoozzâst: 26 €/peiʹvv
  • Kååʹf da kõskkpeiʹvvporrmõš Siidast: 29 €/peiʹvv
  • Kååʹf da kõskkpeiʹvvporrmõš Wilderness Juutua: 32 €/peiʹvv
  • Jeäʹǩǩes-stueʹll mââibaarǥ 20.5.: 51 €
  • Jeäʹǩǩes-stueʹll seärad 21.5.: 77 €
  • Jeäʹǩǩes-stueʹll nelljdpeeiʹv 22.5.: 51 €

Ǩeʹrddemǩeʹddjååʹđtõõzz

Jäʹrjsteei lie tiʹllʼjam privattjååʹđtõõzz täid ǩeʹrddmid:

  • Vu 19.5., ǩeârddmõš Heʹlssen – Âʹvvel čiâss 19:55-21:30
  • Mâ 20.5., ǩeârddmõš Heʹlssen – Âʹvvel čiâss 7:40-9:55
  • Mâ 20.5., ǩeârddmõš Heʹlssen – Âʹvvel čiâss 20:15-21:50
  • Pi 23.5., ǩeârddmõš Âʹvvel – Heʹlssen čiâss 22:10-23:45

Hâʹdd 20 €/mäʹtǩǩ, iʹlmmtõõđ jååʹđtõʹsse iʹlmmtõõttâmlomaakkin.

Määus

Vuässõõttâm-määus ärvvlââʹsspiiđ lij 0 %. Vaʹlljed mäʹhssemnääʹl iʹlmmtõõttâmlomaakkin – vuäitak vaʹlljeed

  • Neʹttbaŋkkmähss (Paytrail)
  • MobilePay (Paytrail)
  • Kredittkortt (Visa/MasterCard/Visa Electron/American Express – Paytrail)
  • Laasktõs

Jos vaʹlljääk laasktõõzz, ton õõlǥak iʹlmmted lomaakkin äšša kuulli pääiʹǩest jeeʹrben laasktemaddrõõzz. Pukid laaskid lââʹzzet laasktõslââʹzz 10 €.

Tuõivvi joukklaaskâst vuäitak vuõltteed neʹttpååʹšt mieʹldd koŋŋreʹsskääzzkõʹsse () – iʹlmmet saaǥǥâst laasktemaddrõõzz, vueiʹtlvaž viiʹttjemteâđaid da laasktum oummui nõõmid.

Jårrâʹsttem-määin

Jårrâsttmõš âlgg tuejjeed neʹttpååʹšt mieʹldd koŋŋreʹsskääzzkõʹsse (). Jeäʹǩǩes-stueʹllmääusaid maacctet, jos jårrâsttmõõžž tuejjeet 14.4.2025 mõõneeʹst, da kõskkpeiʹvvporrmõš- da kååʹffmääusaid, jos jårrâsttmõõžž tuejjeet 5.5.2025 mõõneeʹst. Mâŋŋa täi peiʹvvmieʹri määusaid jeät maacctuku. Pukin maacctum määusain tuõʹllʼjet ǩiõttʼtõõllâm-määus 20 €. Vuässõõttmõõžž serddmõš nuuʹbb ooumže lij määustem.

Instummuš

Jäʹrjsteei lie vaʹrrjam innsââʹjjǩiddsid konferenssa vuässõõttji vääras viiđ hoteeʹllest da kuõiʹt
instemsiidâst Aanrest da Âʹvvlest. Vaʹrrjummuž vuõiʹǧǧest põrggsin.


Wilderness Hotel Juutua (kõskk Sajoozzâst 300 m)

  • Wilderness 1 ooumže 129 euʹrred/inn
  • Wilderness 2 ooumže 139 euʹrred/inn
  • Arctic 1 ooumže 149 euʹrred/inn
  • Arctic 2 ooumže 159 euʹrred/inn
  • Juutua-sviitti 1 ooumaž 154 euʹrred/inn
  • Juutua-sviitti 2 oummu 164 euʹrred/inn

Hoteʹllǩiiddâs lij viõǥǥâst 31.3.2025 räjja. Hââʹdd âʹnne seʹst tueʹlesveär. Vaʹrrjummuš neʹttpååʹšt mieʹldd: Ââʹn vaʹrrjemkood: EITC2025.

Mähssmääin: Tiudd ouddmähss 14 peiʹvved õuʹddel pueʹttem.
Jårrâʹsttem-määin: Jie jårrâʹsttemkool jårrâsttmõõžžin, jos pueʹttempeivva lij jäänab ǥu 14 sutkkâd. Määusaid jeät maacctuku jårrâsttmõõžžin, jos puättmõʹšše lij vuâlla 14 sutkkâd.


Hotel Inari (kõskk Sajoozzâst 600 m)

  • Superior 1 ooumže 100 euʹrred/inn
  • Superior 2 ooumže 120 euʹrred/inn

Hââʹdd âʹnne seʹst tueʹlesveär. Vaʹrrjõõzz tän seeid pääiʹǩ. Ââʹn koodd: EITC2025.


Korppiojan mökit (kõskk Sajoozzâst 700 m)

  • põõrtâž 75 euʹrred/inn, 1-2 ooumže

Hâʹdd ij ââʹn seʹst tueʹlesveär. Vuäitak vuäʹstted tueʹlesveär Hotelli Inarist vaʹrrjõslomaakk pääiʹǩ, tueʹlesveär hâʹdd 10 €/ooumaž/peiʹvv. Vaʹrrjõõzz tän seeid pääiʹǩ. Ââʹn koodd: EITC2025.


Lomakylä Inari (kõskk Sajoozzâst 1.3 ǩm)

  • Panorama- põõrtâž 95 euʹrred/inn, 1-2 ooumže
  • Inari Sauna Studio 120 euʹrred/inn, 1-2 ooumže
  • Inari Sauna Suite 145 euʹrred/inn, 1-2 ooumže
  • Aurora-põõrtâž 150 euʹrred/inn, 1-2 ooumže

Hâʹdd ij ââʹn seʹst tueʹlesveär. Vuäitak vuäʹstted tueʹlesveär Hotelli Inarist vaʹrrjõslomaakk pääiʹǩ, tueʹlesveär hâʹdd 10 €/ooumaž/peiʹvv. Vaʹrrjõõzz tän seeid pääiʹǩ. Ââʹn koodd: EITC2025.


Hotel Korpikartano (kõskk Sajoozzâst 33 ǩm)

  • 1 ooumže 73 euʹrred/inn
  • 2 ooumže 98 euʹrred/inn

Hââʹdd âʹnne seʹst tueʹlesveär da õõut čiâss privatt säuʹnnvuâr peeivlânji . Vaʹrrjõõzz neʹttpååʹšt mieʹldd: Mähss vaʹrrjõõzz õhttvuõđâst laaskin, koon mäʹhssem- mäinn lij 7 peiʹvved. Vaʹrrjõs lij raavuum, ǥu vaʹrrjeei lij mähssam laask mieʹrrpeivva mõõneeʹst. Koolteʹmes jårrâsttmõš 30 peiʹvved õuʹddel pueʹttem. Kuõʹssid siâzztõõlât väʹldded mäʹtǩǩååsktõõzz.


Hotel Ivalo (kõskk Sajoozzâst 40 ǩm)

  • Standard 1 ooumže 112 euʹrred/inn (ij veâl remontõsttum)
  • Standard 2 ooumže 135 euʹrred/inn (ij veâl remontõsttum)
  • Premium 1 ooumže 135 euʹrred/inn
  • Premium 2 ooumže 165 euʹrred/inn

Hââʹdd âʹnne seʹst tueʹlesveär, jeäʹǩǩes-sääuʹn, vuõjjâmälddaz âânnmõõžž da wifi. Mähss pääiʹǩ âʹlnn puäʹđeen. Vaʹrrjõõzz neʹttpååʹšt mieʹldd: Koolteʹmes jårrâsttmõš 16.5.2025 räjja.


Hotelli Kultahippu (kõskk Sajoozzâst 39 ǩm)

Vuäʹmm Kultahippu (ij hiss)

  • Standard 1 ooumže 84 euʹrred/inn
  • Standard 2 ooumže 105 euʹrred/inn

Jokiranta

  • Deluxe 1 ooumže 109 euʹrred/inn
  • Deluxe 2 ooumže 143 euʹrred/inn
  • Säuʹnn deluxe 1 ooumže 133 euʹrred/inn
  • Säuʹnn deluxe 2 ooumže 176 euʹrred/inn

Uvddum hââʹdd âʹnne seʹst tueʹlesveäraid, jeäʹǩǩes-sääuʹn, straaŋgteʹmes neeʹtt âânnmõõžž di ÄLP. Lõõnjjin lie jerruum siâŋg. Vaʹrrjõõzz tän seeid pääiʹǩ. Šõddmõšhõõʹddid vuäǯǯak ââʹnnma poorteeʹl koodd EITC2025 Tarjous-/lahjakortti -ikkna. Instemsââʹj määuʹset vaʹrrjõõzz tuejjeʹmen da jårrâʹsttem-mäinn lij tät:

  • vaʹrrjõõzz vuäitt jårrâʹstted 2 suutk õuʹddel pueʹttempeeiʹv, kuäʹss mååust vuäǯǯ 100%
    mahssum hââʹddest
  • jos vaʹrrjõõzz jeät jårrõsttu ääiʹjstes, leʹbe pääiʹǩ õõl jeät puõttu, määusaid jeät maacctuku

EITC programm

Jäʹrjstõõllâmtåimmkåʹdd vaʹrrai jiõccses vuõiggâdvuõđ muʹtted prograamm.

Puk ääiʹj lie Lääʹddjânnam ääiʹjest, UTC+3h, Eastern European Summer Time (EEST).


Mââibargg 20.5.2025

Alggmeerturiism tuʹtǩǩeemsymposium, Sajoozz Auditorio Dolla da ougglõsõhttvuõtt

08:30−09:00 Iʹlmmtõõttmõš
Tueʹlespeiʹvvsessioi saaǥǥjååʹđteei: Monika Lüthje
09:00−09:05 Monika Lüthje: Pueʹtted tiõrvân
09:05−09:45 Áile Aikio: väʹlddsaakkvuârr: Čiktit firpmiid, čuoldit hearvvaid. Rethinking museum.
09:45−10:15 Rune Magne Opdahl, Dorthe Eide da Anastasiya Henk: When indigenous culture experiences spur negative communication in SoMe: reasons for stereotypes and implications for Sámi tourism
10:15−10:40 Pascal Tremblay: The ambiguous interface between indigenous tourism and expanding ‘wellness tourism’ narratives: weighing market and product opportunities against cultural appropriation risksLinkki: SECTION 1: Understanding the business of wellness tourism
10:40−11:05 Eleonora Alariesto: Colonial land-use as contaminant in Sámi sacred cultural environments – the cases of Äijih and Rástigáisá
11:05−11:30 Kååʹff
11:30−11:55 Nina Smedseng: Co-creating tourism knowledge: relational ethics (accountability) and indigenous methodologies in Sámi tourism research
11:55−12:20 Ningning Sun, Maud A.J. van Soest da Zoë Wright: Co-producing codes of ethics for visitors to indigenous communities: adapting research practices for responsible tourism in the European Arctic
12:20−13:20 Kõskkpeiʹvvporrmõš
13:20−14:05 Kõhtt
14:05−14:30 Kååʹff
Jeäʹǩǩespeiʹvvsessioi saaǥǥjååʹđteei: Eleonora Alariesto
14:30−14:55 Sonya Graci, Yvette Rasmussen da Wendy Cukier: Indigenous entrepreneurship and social innovation in indigenous tourism development in Northern Canada

Linkki: Indigenous Entrepreneurship and Social Innovation

14:55−15:20 Herminia Din: Connecting culture, land and nature: reimaging a new model of northern tourism program
15:20−15:30 Eleonora Alariesto da Monika Lüthje: Juurdpuättmõõžž

Symposiuum ǩiõll lij eŋgglõsǩiõll. Symposiumčuäjtõõzzid jeät tuʹlǩǩuku jeeʹres ǩiõlid.

Õhttna symposiuumin:
09:00−18:00 Čuäjtõs Sajoozz jõnnkääʹrdest: Sääʹm räiddkarttčeäppneǩ Sunna Kitti koov
Vaʹstteemvuõđlaž turismm säʹmmlai dommvuuʹdest jooʹttivuäʹpstõʹsse
10:00−17:00 Vueiʹttemvuõtt kuõʹssjed Sääʹm-museo Siidast, sizzpiâssâm-mähss 12
euʹrred per ooumaž (liipp vuäʹsttmen čuäʹjet jiijjad EITC-nõmmkoort tän
hâdda vuäǯǯam diõtt)
10:00−17:00 Duodji-markkân Sajoozz jõnnkääʹrdest: Säʹmmla ǩiõtt-tuâjjla kaaupše
tuâjeez
Jäʹrjsteei: Sámi Duodji ry
10:00−12:00 Ǩiõtt-tuâjjpääʹjj 1: Raaj jiõccsad sääʹmpuäkkanj

Päiʹǩǩ: Silbanásti, Sajos
Vuässõõttâm-mähss: 25 euʹrred per ooumaž (määuʹset tuâjjpääʹjest)
Iʹlmmtõõttmõš: konfereeʹns neʹttseeidai pääiʹǩ
Jäʹrjsteei: Sámi Duodji ry

Tuâjjpääʹjjǩiõl lie tâʹvvsääʹmm, lääʹddǩiõll da eŋgglõsǩiõll.

13:30−15:30 Ǩiõtt-tuâjjpääʹjj 2: Raaj jiõccsad lokkčooudnueʹr šeeʹšnest

Päiʹǩǩ: Silbanásti, Sajos
Vuässõõttâm-mähss: 13−16 euʹrred per ooumaž (määuʹset tuâjjpääʹjest)
Iʹlmmtõõttmõš: konfereeʹns neʹttseeidai pääiʹǩ
Jäʹrjsteei: Sámi Duodji ry

Tuâjjpääʹjjǩiõl lie tâʹvvsääʹmm, lääʹddǩiõll da eŋgglõsǩiõll.

Modernn sääʹm pävvrõõššmõš äʹrbbvuõđlaž aunnsivuiʹm -tuâjjpääʹjj,
Sajoozz Auditorio Dolla
16:00−18:00 Sääʹm ǩeʹttem-määstar Heikki Nikula pävvrââšš da njââʹddtââll porrmõõžžid

Vuässõõttâm-mähss: ij mähss
Iʹlmmtõõttmõš: ij taarbâž iʹlmmtõõttâd
Jäʹrjsteei: Máhtut-haʹŋǩǩõs

Tuâjjpääʹjjǩiõllân lij eŋgglõsǩiõll. Tuâjjpääʹj jeät tuʹlǩǩuku jeeʹres ǩiõlid.

Jeäʹǩǩes-stueʹll
19:00−21:00 Wilderness Hotel Juutua

Seärad 21.5.2025

Jååʹđteei: Suvi West

Mainsteei âʹnne jeeʹres ǩiõlid. Saaǥǥ tuʹlǩǩeet viiđin ǩiõlin (eŋgglõs, aanarsääʹmm, nuõrttsääʹmm, tâʹvvsääʹmm, lääʹdd) nuʹt pääiʹǩ âʹlnn vuässõõđjid ǥu ougglõsvuässõõđjid.

08:15−09:00 Iʹlmmtõõttmõš da kååʹff
Ääʹveemsessio
09:00−09:10 Aanarsääʹm musikkAnna Morottajast
09:10−09:20 Tuomas Aslak Juuso, Sääʹmteʹǧǧ Lääʹddjânnmest: Tiõrvpueʹttemsääʹn
09:20−09:30 Frank Antoine, Moccasin Trails da WINTA: Tiõrvvʼvuõđ World Indigenous Tourism Alliancelta
09:30−09:40 Silje Karine Muotka, Sääʹmteʹǧǧ Taarrâst: Tiõrvʼvuõđ Sääʹmteeʹǧǧest Taarrâst
09:40−09:50 Håkan Jonsson, Sääʹmteʹǧǧ Ruõccâst: Tiõrvʼvuõđ Sääʹmteeʹǧǧest Ruõccâst
09:50−10:00 Per Olof Nutti, Sääʹmsuåvtõs: Tiõrvʼvuõđ Sääʹmsuåvtõõzzâst
10:00−10:10 Naaja H. Nathanielsen, Ruânnjânnam halltõs: Videotiõrvʼvuõđ Kalaallit Nunaatâst/Ruânnjânnmest
10:10−10:20 Niila-Juhán Valkeapää, Sääʹmteeʹǧǧ Nuõrisuåvtõs: Tiõrvʼvuõđ Nuõrisuåvtõõzzâst
10:20–10:30 Aanarsääʹm musikk Heli Aikiost
10:30–11:05 Väʹlddsaakkvuârr Sääʹmjânnmest: Suvi West: Lååʹv raukkmõš da mainnâz raukkmõš – sääʹm maainâsčieʹpp vuäinlmõš turiismâst da tõʹst, mâid juâkk
Sertifiâsttmõõžž alggmeerturiismâst
11:05−11:40 Kirsi Suomi, Sääʹmteeʹǧǧ Lääʹddjânnmest: Pueʹtti sääʹmturismmsertifiâsttmõš Lääʹddjânnmest
11:40−12:15 Christina Hætta, Sääʹmsuåvtõs: Sääʹm täʹvvermiârk– kooskaž alggmeer jiõččmierrummšest
12:15−13:15 Kõskkpeiʹvvporrmõš
13:15–14:00 Sébastien Desnoyers-Picard, Indigenous Tourism Association of Canada: Toobdâlm Original Original -sertifiâʹsttemprograammâst Kanadast
14:00−14:30 Lennart Pittja, Sápmi Nature da WINTA da Sébastien Desnoyers-Picard, Indigenous Tourism Association of Canada: Mäʹhtt ärvvtõõllâd alggmeerturismmsertifiâsttmõõžž vaaiktõõzzid?
14:30−15:00 Kååʹff
15:00−15:45 Frank Antoine, Moccasin Trails da WINTA: Alggmeersaž sertifiâsttmõš
15:45−16:45 Alggmeerturismmpõõrǥâsniiʹǩǩi paneeʹl: John Barrett, Kapiti Island Nature Tours da Nature Lodge, Ođđ-Seelantt; Ann-Kristine Bongo, Sami Siida, Taarrjânnam; Mai Britt Eira, Arctic Urbi, Taarrjânnam; Aviaja Holm Jensen, Great Greenland, Grönlanti; Emma Krupula, Emma’s Reindeer, Lääʹddjânnam; da Heikki Paltto, Paltto Elämysretket, Lääʹddjânnam
Juointaja: Lennart Pittja, Sápmi Nature da WINTA
16:45−16:50 Suvi West: Vuäʹnkõs õʹhtteǩeässmõš peeiʹvest
16:50−19:00 Kõhtt
19:00−19:30 Suõmmkar nuõrttsääʹm musiikk (tåʹlǩ pääiʹǩ âʹlnn)
Suõmmkar lij vuõssmõs bäʹndd maaiʹlmest, kååʹtt õhttad vuäʹmm nuõrttsäʹmmlai äʹrbbvuõđlaž musiikk (leuʹdd, kaʹdreʹl) da ânnʼjõžäiggsaž meermusikk- da pop-vaaikteeʹlmid
Seämma-äiggsânji konfereʹnss-sessioivuiʹm:
09:00−18:00 Čuäjtõs Sajoozz jõnnkääʹrdest: Sääʹm räiddkarttčeäppneǩ Sunna Kitti koov Vaʹstteemvuõđlaž turismm säʹmmlai dommvuuʹdest jooʹttivuäʹpstõʹsse
10:00−17:00 Vueiʹttemvuõtt kuõʹssjed Sääʹm-museo Siidast, sizzpiâssâm-mähss 12 euʹrred per ooumaž (liipp vuäʹsttmen čuäʹjet jiijjad EITC-nõmmkoort tän hâdda vuäǯǯam diõtt)
Ǩiõtt-tuâjj-markkân Sajoozz jõnnkääʹrdest: Säʹmmla ǩiõtt-tuâjjla kaaupše tuâjeez
Jäʹrjsteei: Sámi Duodji ry
15:45−17:45 Ǩiõtt-tuâjjpääʹjj 4: Tueʹjjed jiõccsad sääʹm silbbhieʹrv
Päiʹǩǩ: Silbanásti, Sajos
Vuässõõttâm-mähss: 10 euʹrred + siilb hâʹdd ââʹnnem mieʹldd (määuʹset tuâjjpääʹjest)
Iiʹlmmtõõttmõš: konfereeʹns neʹttseeidai pääiʹǩ
Jäʹrjsteei: Sámi Duodji ry

Tuâjjpääʹjjǩiõl lie tâʹvvsääʹmm, lääʹddǩiõll da eŋgglõsǩiõll.

Jeäʹǩǩes-stueʹll
19:45−22:00 Wilderness Hotel Juutua
Tâʹvv- da aanarsäʹmmlaž räp Áilu Vallest da Amocist

Nelljdpeiʹvv 22.5.2025

Jååʹđteei Suvi West

Mainsteei âʹnne jeeʹres ǩiõlid. Saaǥǥ tuʹlǩǩeet viiđin ǩiõlin (eŋgglõs, aanarsääʹmm, nuõrttsääʹmm, tâʹvvsääʹmm, lääʹdd) nuʹt pääiʹǩ âʹlnn vuässõõđjid ǥu ougglõsvuässõõđjid.

08:30−09:00 Kååʹff
Ǩeâllʼjeei turismm
09:00−09:30 John Barrett, Kapiti Island Nature Tours da Nature Lodge da WINTA: Mäʹhtt Maori-piârrjem fiʹttai ǩeâllʼjemvuõđ
09:30−10:00 Ellinor Guttorm Utsi, Davvi Siida: Lij-a ruânn seʹrddem ǩeâllʼjeei sääʹmjieʹllemvuõʹjji ǩiõččâmvueʹjjest?
10:00−10:30 Taija Aikio, Sääʹm-museo Siida: Kulttuursânji ǩeâllʼjeei turiism õhttsažkooʹddin tuejjummuž pääiʹǩ
10:30−11:00 Ulunnguaq Markussen, Ruânnjânnam universiteʹtt da Carina Ren, Aalboorg universiteeʹtt: Vuõiggâdvuõđmeâldlaž turismmpäiʹǩǩ? Tuʹtǩǩeeʹmen pääiklaž tuõivid, põõlid da panntääʹssteäddsaž väʹlddkõskkvuõđid Nuõrtt-Ruânnjânnam (Tunu) turiism ooudâsviikkmõõžžâst
11:00−11:35 Alggmeerturismmpõõrǥâsniiʹǩǩi paneeʹl: Sofianguak Kristiansen, Sermeq Pottery, Ruânnjânnam; Risten Oskal, Cavzo Safari, Norja; da Heikki Paltto, Paltto Elämysretket, Lääʹddjânnam

Jååʹđteei: Lennart Pittja, Sápmi Nature da WINTA

11:35−12:35 Kõskkpeiʹvvporrmõš
Alggmeerturiism kaaupšummuš globaalnalla da pääiklânji
12:35−12:55 Frank Antoine, Moccasin Trails da WINTA: Alggmeersaž sertifiâsttmõš
12:55−13:15 Sébastien Desnoyers-Picard, Indigenous Tourism Association of Canada: Ođđâz ođđ globaalâst DO-IT (Destination Original Indigenous Tourism) -markknâʹsttemorganisaatiost
13:15−13:45 Stine Selmer, Sustine Consult: Ruânnjânnam turismmõuddnõõzz õʹhtteǩeässmõš
13:45−14:45 Sääʹm- da inuiitt-turismmpõrggsi čiõʹlǧǧõs: Ann-Kristine Bongo, Sami Siida, Norja; Mai Britt Eira, Arctic Urbi, Norja; Sofianguak Kristiansen, Sermeq Pottery, Ruânnjânnam; Risten Oskal, Cavzo Safari, Norja; da Heikki Paltto, Paltto Elämysretket, Lääʹddjânnam
14:45−15:15 Kååʹff
15:15−15:35 Jaakko Leinonen, Staanvuõtt- da kemikaalveʹrǧǧneǩ: Ođđ õõʹnnistaanvuõttvuâkkõs turismmkääzzkõõzzi vueiʹnnmest
15:35−15:55 Stine Selmer, Sustine Consult: Ruânnpõõssmõš da EU ođđ pirrõsnaggtõsdirektiiv – vaaiktõõzz turiʹsmme
15:55−16:00 Suvi West: Loopptõs-sääʹn
Modernn sääʹm pävvrõõššmõš äʹrbbvuõđlaž aunnsivuiʹm -tuâjjpääʹjj, Sääʹmvuuʹd škooultõskõõskõs, mättʼtõsǩeʹttempõrtt
16:00−19:00 Porrmõšvalmštemtuâjjpääʹjj sääʹm ǩeʹttem-mestar Heikki Nikulain rääʹjtum ooumažmeärra alggmeerturismmpõõrǥâsneeʹǩǩ
Vuässõõttâm-mähss: iʹlla mähss
Iʹlmmtõõttmõš: Neʹttpååʹšt addrõs
Jäʹrjsteei: Máhtut-haʹŋǩǩõs

Tuâjjpääʹj ǩiõllân lij lääʹddǩiõll.

Seämma-äiggsânji konfereʹnss-sessioivuiʹm:
09:00−17:00 Čuäjtõs Sajoozz jõnnkääʹrdest: Sääʹm räiddkarttčeäppneǩ Sunna Kitti koov Vaʹstteemvuõđlaž turismm säʹmmlai dommvuuʹdest jooʹttivuäʹpstõʹsse
10:00−17:00 Vueiʹttemvuõtt kuõʹssjed Sääʹm-museo Siidast, sizzpiâssâm-mähss 12 euʹrred per ooumaž (liipp vuäʹsttmen čuäʹjet jiijjad EITC-nõmmkoort tän hâdda vuäǯǯam diõtt)
Ǩiõtt-tuâjj-markkân Sajoozz jõnnkääʹrdest: Säʹmmla ǩiõtt-tuâjjla kaaupše tuâjeez
Jäʹrjsteei: Sámi Duodji ry
10:00−12:00 Ǩiõtt-tuâjjpääʹjj 5: Raaj jiõccsad sääʹmpuäkkanj
Päiʹǩǩ: Silbanásti, Sajos
Vuässõõttâm-mähss: 25 euʹrred per ooumaž (määuʹset tuâjjpääʹjest) Iʹlmmtõõttmõš: konfereeʹns neʹttseeidai pääiʹǩ
Jäʹrjsteei: Sámi Duodji ry

Tuâjjpääʹjjǩiõl lie tâʹvvsääʹmm, lääʹddǩiõll da eŋgglõsǩiõll.

16:00−18:00 Ǩiõtt-tuâjjpääʹjj 6: Tueʹjjed jiõccsad sääʹm silbbhieʹrv
Päiʹǩǩ: Silbanásti, Sajos
Vuässõõttâm-mähss: 10 euʹrred + siilb hâʹdd ââʹnnem mieʹldd (määuʹset tuâjjpääʹjest)
Iiʹlmmtõõttmõš: konfereeʹns neʹttseeidai pääiʹǩ
Jäʹrjsteei: Sámi Duodji ry

Tuâjjpääʹjjǩiõl lie tâʹvvsääʹmm, lääʹddǩiõll da eŋgglõsǩiõll.

Jeäʹǩǩes-stueʹll
19:30−21:30 Wilderness Hotel Juutua

Puhujaesittelyt


Yhteistyökumppanit


Dalvadis Logo

Dalvadis

Welcome to Dalvadis Sami Experience – discover the authentic Sami culture up close!

https://dalvadis.com/


Sami Siida Logo

Sami Siida

Sami Siida on kulttuuri- ja yhteisökeskus, joka on omistautunut saamelaisen kulttuurin, kilen ja perinteidenedistämiseen. Se sijaitsee saamelaisten kotiseutualueen sydämessä, Altassa, ja palvelee solmukohtana sekä paikallisille että vierailijoille, jotka ovat kiinnostuneita oppimaan saamelaisten rikkaasta kulttuuriperinnöstä. Keskus tarjoaa erilaisia ohjelmia, työpajoja ja tapahtumia, jotka esittelevät perinteisiä saamelaisia käsitöitä, musiikkia ja tarinankerrontaa. Se tarjoaa myös koulutusresursseja lisäten ymmärrystä koskien saamelaista elämäntapaa ja yhteyttä maahan.

https://www.samisiida.no/


Great Greenland Logo

Great Greenland

Great Greenland Webshop – World Wide Shipping

https://www.greatgreenland.com/


Emma's Reindeer logo

Emma’s Reindeer

Emma’s Reindeer on poromatkailuyritys, joka toimii osana Giellajohkan lomakylää. Tarjoan vierailleni poroelämyksiä – muun muassa poroajeluita.

Esittelen vieraillemme duodjia, eli perinteisiä saamenkäsitöitä, ja kerron niiden merkityksestä sekä valmistusprosessista. Vierailun aikana kävijät oppivat paitsi poroista, myös alueen luonnosta, historiasta, saamenkielitilanteesta ja alkuperäiskakulttuurien nyky haasteista, kuten ilmastonmuutoksesta.

Tavoitteena on lisätä tietoisuutta kolttasaamelaisten rikkaasta kulttuurista ja edistää sen säilymistä.

https://www.emmasreindeer.fi/


Sami Siida Logo

Saamelaismuseo Siida

Saamelaismuseo Siida on Pohjois-Lapin merkittävimpiä matkailukohteita. Siida toimii saamelaiskulttuurin valtakunnallisena vastuumuseona, jonka tehtävänä on vaalia saamelaista kulttuuriperintöä, tukea kulttuurista itsetuntoa ja vahvistaa alkuperäiskansan omaa ääntä museotoiminnassa.

Vuonna 2024 Siida palkittiin sekä European Museum of the Year Award -tunnustuksella että Vuoden museo -palkinnolla Suomessa. Palkinnot myönnettiin erityisesti Siidan yhteisölähtöisestä työstä ja osallistavasta lähestymistavasta perusnäyttelyn uudistusprosessissa, jossa saamelaisyhteisö oli aktiivisesti mukana koko suunnittelun ja toteutuksen ajan.

Siida edustaa museotoimintaa, jossa alkuperäiskansan näkökulma, asiantuntemus ja osallisuus ovat keskiössä – sekä sisältöjen luomisessa että yleisötyössä.

https://siida.fi/


SAKK logo EITC2025

SAKK

Saamelaisalueen koulutuskeskus (SAKK) tarjoaa ammatillista koulutusta ja vahvistaa saamen kielten ja saamelaiskulttuurin elinvoimaisuutta. Inarissa sijaitseva oppilaitos toimii pohjoisen elinkeinoelämän ja kulttuuriperinnön tukijana. Matkailualan opiskelijamme osallistuvat EITC 2025 -konferenssiin konferenssiavustajina, saaden arvokasta kokemusta kansainvälisessä tapahtumaympäristössä. Samalla he pääsevät kuulemaan lisää konferenssin tärkeästä teemasta, vastuullisesta alkuperäiskansamatkailusta.

https://www.sogsakk.fi/fi

Euroopp Alggmeerturismmkonfereʹnss EITC 2025

World Indigenous Tourism Alliance, Sääʹmteʹǧǧ da Lappi universiteʹtt jäʹrjste meeraikõskksaž alggmeerturismmkonfereeʹns Aanrest vueʹssmannust 2025.

Konfereeʹns väʹlddteeʹmmen lij eettlânji ǩeâllʼjeei alggmeerturismm. Jeäʹrben vuäjjnet maatkčummša, kååʹtt šâdd Euroopp aarktlaž vuuʹdin.

Konfereeʹns jäʹrjstet Lääʹdd Mättʼtõs- da kulttuurministeria miõttâm spesiaalveäʹǩǩvuõđin.

Ǩeâllʼjeei alggmeerturiism aarktlaž vuuʹdin

Haʹŋǩǩõs ravsmâtt ǩeâllʼjeei alggmeerturiism õõudâsviikkmõõžž Tâʹvvjânnmi aarktlaž vuuʹdin säimmõõttmõõžž da õhttsažtuâj veäkka, koid vuässâʹtte Ruânnjânnmest, Taarrjânnmest, Ruõccjânnmest, Lääʹddjânnmest da jeeʹres jânnmin toiʹmmjeei alggmeerturismmpõõrǥâsneeʹǩǩ, Sääʹmteeʹǧǧ, universiteeʹtt, turiism organisaatio di World Indigenous Tourism Alliance. Haʹŋǩǩõõzz tååim šâʹdde Euroopp alggmeerturismmkonfereeʹns EITC 2025 seʹst Aanrest vueʹssmannust 2025.

Haʹŋǩǩõõzz tääʹvtõsân lij ravsmâʹtted ǩeâllʼjeei alggmeerturiism õõudâsviikkmõõžž Tâʹvvjânnmi aarktlaž vuuʹdin:

  • altteeʹl da raaveeʹl õhttsažtuâjast čõõđ aarktlaž vuuʹd šõddi teâđ õhttsaž raajjmõõžž da vaalmâšvuõđi ooudâsviikkmõõžž
  • tuärjjeeʹl pääiklaž turiism mieʹrrorganisaatioid da põrggsid tõi strateeglaž täävtõõzzin ǩeâllʼjeei jäärnaǩtåimmčåuddmõõžžid kuõskeeʹl

Haʹŋǩǩõõzz teäggat Tâʹvvjânnmi Ministersuåvtõõzz aarktlaž õhttsažtuâj programm.

Haʹŋǩǩõskueiʹm


Järjestäjät

”Valpurpeeiʹv vuâzzaž cuõŋŋu âʹlnn.”

Vuäʹmmvueʹǩǩ särnnad, kååʹtt mainstââll kuäʹss leʹčči vueʹzzin äiʹǧǧ šõddâd maailma.

Snimldõõǥǥâst äldd lij vueʹzzin õhttu jiõččines pirrõõzzâst, koʹst tõt lij mättjam juõʹǩǩ eeʹjj kueʹdded.

Mäʹhtt-i lij maaiʹlm tõn pirr mottjam õõuʹdab iiʹjji kueʹddem mâŋŋa. Mâiʹd jos vueʹss ij ni šõõdd cuõŋŋu õõl?

Lappist luâtt lij čuuʹt rââʹžžes, da tän tuejjõõzzâst koittum puʹhtted õlmmsa, mõõn jåʹttlânji maaiʹlm mottai, koozz meäʹccjieʹllʼjin, mâʹte puõccuin, âlgg pâi šiõttlõõvvâd. Luâđ rââʹžžesvuõđ mij jeäʹp možât samai fiʹtte da tõn, mõõn nalla tõk še uuʹcces ääʹšš vaaikte jiânnai. Puäʒʒ kuuitâǥ jeäll da tuejjad mâʹte lij čueʹđi iiʹjji ääiʹj mättjam, leša mäʹhtt ǩeävv, ǥu maaiʹlm čuuʹt jåʹttlânji mottai tõn pirr?


ellenmaaritjuuso.fi