Sosiaalʼlaž ǩeâllʼjemvuõđ
Sosiaalʼlaž ǩeâllʼjemvuõđ vueiʹtet meärtõõllâd nuʹtt pääiklaž oummi ko še maatkčeei ǩiõččâmkuuʹlmest. Što maatkčummuš leʹčči sosiaalʼlânji ǩeâllʼjeei pääiklaž sääʹmnarood ǩiõččâmkuuʹlmest, âlgg maatkčemjieʹllemvueʹǩǩ väʹldded lokku pääiklaž oummi taarbid di maatkčummuž da tõʹst šõddi muttsi vaaiktõõzzid sij aʹrǧǧe da jieʹllemtässa. Maatkčummuš âlgg leeʹd vaaldšemnalla da tõʹst âʹlǧǧe leeʹd čiõlgg raaj, koid jääʹǩǩtet. Sosiaalʼlânji ǩeâllʼjeei maatkčummšest pueʹtti äuʹǩǩ âlgg juâkkjõõvvâd nuʹtt veiddsânji ko vueiʹtlvaž pääiklaž oummi kõõskâst ouddmiârkkân pääiklaž infrastruktuur da kääzzkõõzzi puârrnummuž mieʹldd. Maatkčummšest šõddi sääʹmõutstõʹsse ohjjõõvvi negatiivla vaaiktõõzz âʹlǧǧe še leeʹd nuʹtt vännaz ko vueiʹtlvaž. Tääʹrǩes sosiaalʼlaž ǩeâllʼjemvuõđ vueʹssen lie sääʹmõutstõõzz vuässâttmõš da jiijjâs jieʹllempirrõʹsse plaanuum maatkčummša vaaiktemvueiʹttemvuõđ. Maatkčemsueʹrj da maatkčeeʹji luâttresuursi äuʹǩǩummuš ij vuäǯǯ hueʹneed äʹrbbvuõđlaž jieʹllemvuõʹjji ni sääʹmnarood vueiʹttemvuõđid ââʹnned vuuʹd luâttvääraid.
Ǩiõčč še
õutstõs, vaʹstteemvuõđlaž sääʹmturismm, lokku välddmõš, jieʹlli kulttuurkueʹstelm, ekolooglaž ǩeâllʼjemvuõtt, kulttuursaž ǩeâllʼjemvuõtt, tällõõzzlaž ǩeâllʼjemvuõtt, ekolooglaž ǩeâllʼjem-määin, kulttuurlaž pâstlvažvuõđ, sosiaalʼlaž ǩeâllʼjem-mäinn, tällõõzzlaž pâstlvažvuõt, sääʹmvuõʹtte vuâđđõõvvi maatkčummuš, sääʹmvuõđ äuʹǩǩenõõʹnni turismm, eettlaž vuäʹpstõõzz, sääʹmteʹǧǧ