Kulttuurlaž pâstlvažvuõđ

Maatkčeei leʹbe maatkčemtååim jie õõlǥ vuõiʹǧǧest leʹbe pannvuõiʹǧǧest muʹtted sääʹmkulttuur mâʹte ouddmiârkkân ǩiõtt-tuâjaid, åskkmõõžžid, äʹrbbvuõđid leʹbe naaʹlid. Ǩiõččât, što mõõnât kulttuurlaž pâstlvažvuõđ raaj pâʹjjel, jõs sääʹm-maatkčummuž ouddsen tuejjummšest leʹbe ouʹdde pohttmõõžžâst ǩiõččlââʹstet leʹbe tuõđât, što tõʹst lij häitt sääʹmkulttuur seillmõʹšše, ouddnummša da/leʹbe serddmõʹšše pueʹtti puõlvvõõǥǥid. Jõs vueiʹtet tuõttâd, što maatkčummša õhttneei tååim leʹbe maatkčeei ǩieʹppee vuõiʹǧǧest sääʹmkulttuuʹre kuulli očndõõttâmhaaʹmid, vueiʹnet tõn kulttuurlaž pâstlvažvuõđ raaji pâʹjjel mõõnnmõššân. Ouddmiârkkân täʹst peäggtââǥǥas sääʹmpihttsi âânnmõõžž: jõs ni õhtt ooumaž kuâđđ ââʹnǩani sääʹmpihttsid tõn diõtt, ko ij haaʹled šõddâd maatkčeeʹji ǩicstõõǥǥ vuâlla leʹbe sniimmâmnalla, ǩiõččât, što leät mõõnnâm kulttuurlaž pâstlvažvuõđ raaj pâʹjjel.