Kulttuursaž ǩeâllʼjemvuõtt

Kulttuursânji ǩeâllʼjeei turiismlaž ouddsen raajjmõõžžâst täʹrǩǩ lij raavâs, ouddsen rajjum kulttuur fiʹttjõs. Kulttuursaž ouddsen raajjmõš âlgg  šõddâd kulttuur vaaldšeeʹji kulttuursaž äärvai da vuäinnmõõžži meâldlânji. Kulttuur vaaldšeei âʹlǧǧe pâʹstted kontrollâʹstted tõn nääʹl, koin seeʹst kulttuur kuâsttai turiismâst di koid vuõʹzzid kulttuurâst vuäitt ouddsen raajjâd da mii âlgg  kueʹđđed kaaupâs raajjâm åålǥpeälla. Kulttuursaž ǩeâllʼjemvuõđ kõskksaž ääʹšš sääʹmturiismâst lie veärlažvuõtt da kulttuur ouddsen raajjmõš, kååʹtt vuâđđââvv pääiklaž äʹrbbvuõđid da naaʹlid di ânnʼjõžäigga. Kulttuursaž ǩeâllʼjemvuõđ vueʹlǧǧemsââʹjjen turiism ouddsen raajjmõõžž da čuäʹjtummuž plaanmen da čõõđteʹmen âlgg leeʹd äuʹǩǩuum kulttuur seillmõš pueʹtti puõlvvõõǥǥid ouddsen raajjmõõžžâst leʹbe čuäʹjtummšest huõlǩâni. Turismmjieʹllemvueʹǩǩ ij vuäǯǯ viikkâd jiiʹjjes tååimain kulttuurääʹrb vaar vuâlla leʹbe hiâvtummša. Sääʹmkulttuur kaauplaž ouddsen raajjmõš da äuʹǩǩummuš kooll säʹmmlaid toiʹmmjeeʹjid. Pääiklaž sääʹmkulttuur ciistâst âânnmõš da õlmmvuõtt kulttuur äuʹǩǩummšest koʹlle kõskksaž vueʹssen kulttuurlânji ǩeâllʼjeei da vaʹstteemvuõđlaž sääʹmturiʹsmme. Kulttuurlânji ǩeâllʼjeei maatkčummuš vueiʹtlvâstt še maatkčempääiʹǩ sääʹmõutstõõzz harjjted da seʹrdded kulttuurâs nuʹtt aarǥâst ko še prääʹznǩest maatkčummšest leʹbe maatkčeeʹjin šõddi occaz šuurab hääitaitää leʹbe muttsitää kulttuurlaž naaʹlid leʹbe vuõʹjjid.