Jieʹlli kulttuurkueʹstelm

Jieʹlli kulttuurkueʹstelm lij päiʹǩǩ, koʹst jeäʹlet aarǥ da juuʹhl. Tät kuâskk aainâs alggmeeraid, koid luâtt da kulttuur koʹlle rääʹtǩteʹmen õʹhtte. Jieʹlli kulttuurkueʹsteeʹlm da tõn pukid aassjid âlgg ââʹnned ciʹsttjeeʹl, lokku vääʹldeeʹl da miârkid kueʹđǩani. Vasttõsvuõđlaž turistt silttad jeälõõttâd nuuʹbb oummu sâjja da jälstââtt mâʹte tuäivči jiiʹjjes pääiʹǩest da tõn âlddsin kueʹssjeei oummui jälstõõttâm. Säʹmmlai dommvuuʹdest leäk pâi ǩeän-ne pääiʹǩest, juʹn-a vuõiʹǧǧest õudduustõõǥǥâst leʹbe ”põõrt tueʹǩǩen”. Håʹt luâđast ij pâi leäkku kuâsttjeei miârkk tõʹst, što toʹben leʹčči jottum, säʹmmlai dommvuuʹdest juõʹǩǩ pääiʹǩest lij säʹmmlaid miârktõs, sääʹm nõmm da koonn-ne eeʹjjpoʹdde kuulli kulttuurčõnnsallaš âânnmõš. Turiisti”poostaijânnam” lij pääiklaž säʹmmlai päiʹǩǩ da mäŋggsid tõt lij še piʹrǧǧeem da dommtaarbi käivvan jeeʹres ko turiism pääiʹǩ.