Pannveärlaž

Takai teâttmõš säʹmmlain lij occnjaš da turiist lij täujja vueiʹtʼtem räʹtǩǩed tuõtt sääʹmkulttuuʹre kuulli ouddaz leʹbe räʹtǩǩed kääzzkõõzz pannveärlaž ”sääʹmouddsest” leʹbe hoʹhssjum leʹbe laiʹnnʼjum äʹrbbvuõđâst. Sääʹmõutstõõzzâst åålǥpeällsaž turismmtoiʹmmjeeʹjest ij leäkku riʹjttjeei kulttuurlaž lookkâmtäidd leʹbe fiʹttjõs, koon taarbšet sääʹmkulttuur seʹstõõʹnni turismmouddaz ouddsen raajjmõʹšše da čuäʹjtummša. Vaʹlljeeʹl pannveärlaž, hoʹhssjum leʹbe laiʹnnʼjum turismmouddaz turistt vuäitt hieʹlǩeld šõddâd čaʹjjtum seämmast lââʹzzteeʹl da liâvteeʹl puäst teâđ säʹmmlai da sääʹmkulttuur pirr. Vaʹstteemvuõđlânji da eettlânji ǩeâllʼjeeinalla toiʹmmjeei turistt ainsmâtt veärlaž ouddaz alggpuättmõõžž da tuärjjad sääʹmvuõʹtte vuâđđneei turisttouddsid sääʹm dommvuuʹdest jååʹttmen.