Groompiâst

Groompiâst miârkkšââvv oummu šõõddtem, juätkkjeei leʹbe nobstõõvvi jiõn, kååʹtt sieʹjjat luâđ jiiʹjjes jiõnnkueʹstelm, jieʹllikååʹdd jälstõõttmõõžž leʹbe oummui pueʹrrvââjjmõõžž. Tõn vuäiʹtte šõõddted õuddmiârkkân moottorvuejjamneävv (ml. ǩeâlkksafaar), mašina, raajjmõš, šõddmõõžž, jeeʹres turismmtåimm (õuddm. räiddpiânnaikaardâs) leʹbe mašiinlaž kåʹllkuäivvmõš.

Säʹmmlai dommvuuʹdest groompiâst vuäitt šõddâd miârkteei häittan luõttu (ml. äʹrbbvuõđlaž jieʹllemvuõʹjjid). Määŋgai tuʹtǩǩummši da čiõlǥtõõzzi mieʹldd groom vuäitt:

• sieʹjjted puõccui palggmõõžž, poorrmõõžž da vuâŋŋmõõžž
• šõõddted jieʹllʼji (ml. puõccu, sõõrv) serddjummuž meädda äʹrbbvuõđlaž palggâm- da kueʹddempaaiʹǩin
• vaigsmâʹtted puäʒʒhååid, kueʹlstem da mieʹcstem harjjtummuž
• rââʹžžeed juõmâsvuõđ da luâđ jiõnnkueʹstelm aiccmõõžž, kookk lie kõskksâjjsa nuʹtt sääʹmkulttuuʹre ǥu vaʹstteemvuõđlaž da eettlânji ǩeâllʼjeei turiʹsmme.

Sääʹmturiismâst groompiâstti cõggmõš lij vueʹss vaʹstteemvuõđlaž da eettlânji ǩeâllʼjeei toiʹmmjemnaaʹlin, mâʹte moottorõsttum liikkummuž rajjtummuž rââʹžžes eeʹjjpooddi čuuʹt rââʹžžes vuuʹdin di luâđ rääuh da juõmâsvuõđ lokkuvälddmõõžž vueʹssen kaallšõs turismmjeäʹlstõõzzâst.