Epipuigâ (epäaito)

Almos tiettim sämmilijn lii uccáá já mađhâšeijei lii távjá máhđuttem iäruttiđ puigâ sämikulttuurân lohtâseijee pyevtittâs tâi palvâlus epipuigâ ”sämmilâšpyevtittâsâst” tâi hutkum tâi luávnejum ärbivyevist. Sämisiärváduv ulguupiäláá mađhâšemtuáimest ij lah tuárvi kulttuurlâš luuhâmtáiđu tâi ibárdâs, mii tarbâšuvvoo taggaar mađhâšempyevtittâs tohâmân já oovdânpyehtimân, mii ana sistees sämikulttuur. Ko väljee epipuigâ, hutkum tâi luávnejum mađhâšempyevtittâs, kuállejeijee sáttá älkkeht čájáduđ já siämmást lasettiđ já levâttiđ ovdiist puástutiäđuid sämmilijn já sämikulttuurist. Ovdâsvástádâslávt já eettisávt kilelis vuovvijn tuáimee mađhâšeijee visásmit puigâ pyevtittâs algâpuáttim já tuárju sämmilâšvuotân vuáđuduvvee mađhâšempyevtittâsâid, ko kolliistâl sämmilij päikkikuávlust.