Anarâškielâ

Anarâšah láá áinoo sämmilâšjuávkku, mii lii ärbivuáválávt aassâm tuše Suomâ kuávlust. Anarâškielâ tile lâi uáli heeitug vala 30 ihheed tassaaš. Aktiivlii Anarâškielâ seervi já ton algâttem maaŋgâlágánij kielâiäláskittemhaavâi čuávumuššân anarâškielâ lii finnim ennuv uđđâ sárnoid. Anarâškielâ kielâiäláskittem lii pyevtittâm puátusijd sehe rävisulmui já arâšoddâdemahasij párnái ooleest. Aanaar markkânist ive 1997 algâttâm anarâškielâlâš kielâpiervâl juátká tooimâs já lii finnim paaldân kyehti uđđâ anarâškielâlii kielâpiervâl. Anarâškielâ riävtuičäällimvyehi, ortografia, tuhhiittui ive 1992. Anarâškielâlâš vuáđumáttááttâs algâttui 2000-lovo aalgâst luhostum kielâpiervâltooimâ čuávumuššân. 2010-lovvoost anarâškielâlâš škovlâmáttááttâs lii juksâm jo vuáđumáttááttâs pajeluokkaid já anarâškielâliih luokah tuáimih Aanaar já Avveel škoovlâin. Kielâ lii lasettâm jotelávt sárnoomeerees, sehe oinum ja kullum ei. sämikielâlii mediast já populáárkulttuurist. Kielâ sárnooh láá áárvui mield suulân 450.