Homogenisõõvvmõš

Kulttuur homogenisõõvvmõš lij vueʹssen kulttuuri globalisâsttmõõžžâst, kååʹtt uuʹccad kulttuuri määŋglaaǥǥanvuõđ da reeʹǧǧesvuõđ. Turismmindustriast lie jõnn vaaiktemvueiʹttemvuõđ da seämmast še samai jõnn vasttõsvuõtt tõʹst, mõõn nalla kulttuurid čuäʹjtet da kaauplââʹstet. Säʹmmlai dommvuʹvdd lij jieʹlli reeʹǧǧes da määŋgpeällsaž sääʹmkulttuur da kulttuurkueʹsteeʹlm jeällsââʹjj, koʹst pääiklažõutstõõzzi argg da juuʹhl šâʹdde. Turismmindustria lij kuuitâǥ išttääm voudda ođđ turismmtooiʹmid, kookk lie juʹn-a jeeʹresåʹrnn laiʹnnʼjum leʹbe kookk lie samai hoʹhssjum da tõn ǩeeʹjjest täin lie šõddâm õinn jäänab kõččum tooiʹm. Jiânnai kõččum tooiʹmin, eʹpet vuâđđõõlât taʹrjjeem taarb. Laiʹnnʼjum da hoʹhssjum äʹrbbvuõđ eʹpet vueiʹtte viikkâd turiism šõõddtem homogenisõõvvâm turismmpääiʹǩ ”identitetta”. Teʹl aarktlaž vuuʹd turismmkueʹsteeʹlm äʹlǧǧe mušttʼted nuuʹbbeez vooudlaž alggmeerkulttuurâst da tõn reeʹǧǧesvuõđ määŋghämmsažvuõđâst persteǩani. Voudda jakk ”äʹrbbvuõđ” vâjja še säʹtted vaar vuâlla alggveärlaž kulttuur jieʹllemviõkksažvuõđ, aainâs jos ođđ hoʹhssjõõzz da ”išttʹtõõzz” lie jõnn risttreeidast vuuʹd alggveärlaž, jieʹlli kulttuurkueʹstlma miârkteeinalla kuulli vuõʹjjivuiʹm. Kulttuursaž homogenisõõvvmõš mâânn tõõzz, što turiistid lij poortum kulttuursaž sieʹjjtõs, koonn vueiʹtet juʹn-ba puästtad markknâʹstted voudda kuulli äʹrbbvuõttân.  Kudd teâđ liâvtummuš turiism mieʹldd vaigsmââvv leʹbe vueiʹtlvânji juʹn-ba câggai.