Ciistvuõtt

Ciistvuõtt lij vuârrvaaiktõõzz tuejjeei da õõudårra viikki šiõttlõõttmõš da toiʹmmjummuš, kååʹtt vuâđđan ärvstummša  leʹbe fiʹttjõʹsse oummust, õõutstõõzzâst leʹbe ääʹššest. Tõt õlmman nuuʹbb äärv, vuõiggâdvuõđi da raaji tobdstummšen, kulddlummšen da lokku välddmõšân, da vuäitt ââʹnned seʹst moojjšummuž, leša tåʹlǩ še tääʹssverddsažvuõđ da ooumažäärv ciʹsttjummuž tobddčõõnâsvuõđtaa. Ciistvuõtt lij vuârrvaaikteeʹes kuõiʹtårrsaž da šõõddad naʹddjõõzz, äävʼvuõđ da rääuhlõs palddlõsjeällmõõžž.

Ciistvuõtt lij sääʹmõutstõõzz jiiʹjjes tobdstem da priimmâm toiʹmmjummuš, kååʹtt čuäʹjat ärvstummuž sääʹm äärvai, teâđ, naaʹli, äʹrbbvuõđi, jânnmi, čääʹccvuuʹdi da kulttuurääʹrb årra. Tõt ij vuâđđan åålǥpeällsa vuäinnmõʹšše, peʹce kulttuur vaaldšeeʹji jiiʹjjes meäʹrtõõllma tõʹst, mii lij šiõttâl da eettlaž. Ciistvuõtt kuâsttai kulddlummšen, tuõtt õhttsažtuâjjan, lååʹv kõõččmõšân, säʹmmlai jiõččmieʹrreemvuõiggâdvuõđ tobdstummšen da tõn ainsmâttmõšân, što toiʹmmjummuš tueʹrjjad õõutstõõzz pueʹrrvââjjmõõžž da kulttuur jieʹllemviõǥǥ