Kuõrbbvaartõs

Kuõrbbvaartõs lij Äimmtiõđ stroiʹttel uʹvddem veerǥlaž vaartõs, kååʹtt iʹlmmat, što jânnam koškkâm diõtt kuõrb puâllʼjem- da liâvvnemriskk lij čuuʹt šurr. Kuõrbbvaartõõzz ääiʹj äävtool raajjmõš lij ǩiõlddum, mieʹrǩǩuum tollsõõʹjin še, da iskkrid šõddeei toiʹmmjummuž âlgg vieʹltted.

Säʹmmlai dommvuuʹdest kuõrbb riskk kuõskat aainâs puäʒʒpalggsid, luâđ ekosysteeʹmid, kulttuuräʹrbbpaaiʹǩid da jieʹlli kulttuurkueʹstelm, kooi tårmmjõõvvmõš rââžžeʹče äʹrbbvuõđlaž jieʹllemvuõʹjji harjjtummuž da kulttuurääʹrb seillmõõžž. Tän õõl veäʹǩǩ lij täujja kuʹǩes da čuâkksateʹmes kõõski tueʹǩǩen. Kuõrbbvaartõõzz jääʹǩǩtummuš lij nääiʹt vueʹss vaʹstteemvuõđlaž turiismâst, turismmtååimast da õutstõõzz suõjjlummšest – tõt stään nuʹtt luâđ ǥu säʹmmlai kulttuursaž pirrõõzz.

Ǥu veerǥlaž vaartõõzz jie vieʹltʼteʹmen pâi tääʹvet tuõtt šõŋŋtuejjeeʹjid (inhimiilʼlaž vââǥǥ vueiʹttemvuõtt õuddmiârkkân teâđtõõzzâst), turiistin õudldet še fiʹttjed vueʹjj da vuâmmšed pirrõõzz: kåʹšǩǩääiʹj âlgg leeʹd õõlǥtum tääʹrǩab da vieʹltted toolraajjmõõžž, håʹt vaartõs iʹlle leʹčči veerǥlânji viõǥǥâst.