Boazoáiddit

Boazoáiddit dahjege áiddit main bohccot leat, gullet lágas dárkkuhuvvon ruoktoráfi suoji sisa. Dain guovlluin ii leat lohpi johttit guovllu oamasteaddji lobi haga. Ferte muitit, ahte bigálusáiddit, boazobartat ja dihto luonddubáikkit, dego ovdamearkka dihte bohccuid biebmanbáikkit, leat turismma olggobealat olbmuid bargobáikkit, gosa ii sáhte lobi haga mannat earret eará dorvvolašvuođa sivaid geažil. Erenomážit guottetbáikkiid galgá guođđit ollásit ráffái. Bohccot leat priváhtaopmodat. Daid oažžu lahkonit dušše bohcco eaiggáda lobiin.

Jos dárbbašat eanadagas johttit boazoáiddi čađa, mana verráha buohta ja gidde dan fas iežat maŋis, jos dat lei gitta. Jos verrát ii leat govttolaš mátkki geahčen, mana vuolil áiddi. Jos galggat boazoáiddi báttiid, čana daid bures ruovttoluotta nu mo ledje. Ale goarkŋo áiddi badjel, amas áidi ii billašuva dahje njieja vulos guvlui.