Sertifikaatt vuäǯǯmõš kaiʹbbai:
- pääkklaž vuâđđkriteeʹri teâuddmõõžž,
- põrggâz toiʹmmjem luândast ǩidd ååreeʹl jeeʹrab- da vaʹlljeemvuâlaž kriteeʹri čõõđtummuž
- sertifikaatt kriteeʹrivuiʹm õʹhtte luämmlõõvvi, põrggâz jiiʹjjes Sääʹmturiism jieʹlli kulttuurkueʹstelm plaan (SMEKS) raajjmõõžž, koʹst tobdstet tååim vaaiktõõzzid luõttu, kulttuuʹre da pääiklažõutstõʹsse di suåvtet toiʹmmjummuž tõõi ǩeâllʼjemvuõđi da ǩiõrddâmvuõđi meâldlânji.
Sertifikatt toiʹmmai:
- grååtnâsvuõđ da sääʹmkulttuur obbvääldlaž ciʹsttjummuž čuäʹjteeʹjen di pääiklažõutstõõzzi da jieʹlli kulttuurkueʹstelm aarǥ da juuʹhl tuõđteei aiccjen da lokku vaʹlddjen ,
- naʹddjõõzz da kvaliteeʹtt symboolân määtklaid, turismmsuârgga da õhttsažtuâjjkuõiʹmid,
- ohjjeemneävvan põrggsid, kookk haaʹlee õõuʹdeed toimmjummšes vaʹstteemvuõđlanji.
Vaʹstteemvuõđlaž da eettlânji ǩeâllʼjeei sääʹmturiism kriteeʹrjoukk
Sääʹmturiism vaʹstteemvuõttsertifikaatt kriteeʹrjoukk toiʹmmai kõskksâjjsaž tuâjjneävvan: tõn veäkka ärvvtõõlât, teudd-a toiʹmmjummuš vaʹstteemvuõđ da eettlaž ǩeâllʼjemvuõđ määinaid. Kriteeʹrjoukk vuâđđââvv veerǥlaž šiõttõõzzid, meeraikõskksaž suåppmõõžžid, sääʹmkulttuuʹre kuulli vuõiggâdvuõđid di õutstõõzz jiiʹjjes äärvaid da vuõʹjjid. Tõn mieʹrr lij ohjjeed toiʹmmjummuž nuʹtt, što tõt âânn ciistâst säʹmmlai vuõiggâdvuõđid, äʹrbbvuõđlaž teâđ da jieʹllemvuõʹjjid.
Vaʹstteemvuõđlaž da eettlânji ǩeâllʼjeei sääʹmturiism sertifikaatt kriteeʹrjoukk âânn seʹst pääkklaž, vaʹlljeemvuâlaž da jeeʹrab kriteeʹrjooukid, koin šâdd obbvuõtt sertifiâsttmõõžž ärvvtõõllâm vääras.
Vaʹstteemvuõđlaž da eettlânji ǩeâllʼjeei sääʹmturiism pääkklaž kriteeʹr pukid ooccjid
Sääʹmturiism vaʹstteemvuõttsertifikaatt kriteeʹrjoukk toiʹmmai kõskksâjjsaž tuâjjneävvan: tõn veäkka ärvvtõõlât, teudd-a toiʹmmjummuš vaʹstteemvuõđ da eettlaž ǩeâllʼjemvuõđ määinaid. Kriteeʹrjoukk vuâđđââvv veerǥlaž šiõttõõzzid, meeraikõskksaž suåppmõõžžid, sääʹmkulttuuʹre kuulli vuõiggâdvuõđid di õutstõõzz jiiʹjjes äärvaid da vuõʹjjid. Tõn mieʹrr lij ohjjeed toiʹmmjummuž nuʹtt, što tõt âânn ciistâst säʹmmlai vuõiggâdvuõđid, äʹrbbvuõđlaž teâđ da jieʹllemvuõʹjjid.
Sertifikaatt ooccjid pääkklaž kriteeʹrjoouk lie kutt da tõin kriteeʹr lie õhttsiʹžže 42:
- vaaldšmallaš kriteeʹr
- sosiaalʼlaž vuällamvuõđ kriteeʹr
- kulttuursaž vuällamvuõđ kriteeʹr
- ekolooglaž vuällamvuõđ kriteeʹr
- tällõõzzlaž vuällamvuõđ kriteeʹr
- vaʹstteemvuõđlaž saaǥǥtummuš
Põrggâz toiʹmmjummšest da tõn veeidasvuõđâst ǩidd ååreeʹl pääkklaž kriteeʹri lââʹssen põõrǥâs teudd taarbšum jeeʹrab kriteeʹrjooukid da/leʹbe vaʹlljeemvuâlaž kriteeʹrjooukid.
Juõʹǩǩ kriteera kooll kriteeʹr nõmm, jiõčč kriteeʹr di vuäppõs tõʹst, mâiʹd kriteeʹr miârkkšââvv da mõõnn nalla tõn tieuʹdet
Sertifikaatt veäkka lij vueiʹttemvuõtt kaggâd õuʹdde vaʹstteemvuõđlaž da eettlânji ǩeâllʼjeei sääʹm turismmpõrggsid da pueʹreed sij ǩeâštʼtemviõǥǥ. Sertifikatt vieʹǩǩat še turiistid da turismmsueʹrj tobdsted tuõtt, vaʹstteemvuõđlanji da eettlânji ǩeâllʼjeeinalla toiʹmmjeei sääʹmturismmpõõrǥâsniiʹǩǩid.
Jeeʹrab kriteeʹr
Põrggâz toiʹmmjummšest ǩidd ååreeʹl pääkklaž kriteeʹri lââʹssen põõrǥâs teâudd taarbšum taarbšum jeeʹrab kriteeʹrjooukid. Jeeʹrab kriteeʹrjooukid koʹlle porrmõš- da puäʒʒturismm. õuddmiârkkânǤ, jos põõrǥâs taʹrjjad porrmõštuâjjpaaʹjid, sääʹmkulttuuʹre vuâđđõõvvi porrmõšjeäʹlstõõzzid leʹbe tõn väʹlddtoiʹmmjummša koʹlle porrmõš-stuäʹl, tõt âlgg tieuʹdded porrmõšturiʹsmme kuulli kriteeʹrid. Jos eʹpet põõrǥâs taʹrjjad puäʒʒvuejjmõõžžid leʹbe puäʒʒtäälaid tobdstummšid, tõt âlgg tieuʹdded puäʒʒturiʹsmme kuulli kriteeʹrid.
Jeeʹrab kriteeʹrjoouk lie kuõʹhtt, koin lie õhttsiʹžže 12 kriteeʹred:
- porrmõš
- puõccu
Juõʹǩǩ kriteera kooll kriteeʹr nõmm, jiõčč kriteeʹr di vuäppõs tõʹst, mâiʹd kriteeʹr miârkkšââvv da mõõnn nalla tõn tieuʹdet.
Vaʹlljeemvuâlaž kriteeʹr
Põrggâz toiʹmmjummšest da tõn veeidasvuõđâst ǩidd ååreeʹl pääkklaž kriteeʹri lââʹssen põõrǥâs teâudd taarbšum vaʹlljeemvuâlaž kriteeʹrjooukid. Õuddmiârkkân, jos põõrǥâs vuästt puäʒʒvuejjam- leʹbe puäʒʒtäällkääzzkõõzzid leʹbe porrmõštuâjjpaaʹjid nuuʹbb põõrǥâsneeʹǩǩest, tõt âlgg tieuʹdded vueʹllhaʹŋǩǩummša kuulli kriteeʹrid. Jos põõrǥâs eʹpet paʹlǩǩad piârri åålǥpeällsaž tuâjjlaid, tõt âlgg tieuʹdded tuâjjlažkååʹdd kuõskki kriteeʹrid.
Vaʹlljeemvuâlaž kriteeʹrjoouk lie kuõʹhtt, koin kriteeʹr lie õhttsiʹžže 8:
- vueʹllhaʹŋǩǩummuš
- tuâjjlažkåʹdd
Juõʹǩǩ kriteera kooll kriteeʹr nõmm, jiõčč kriteeʹr di vuäppõs tõʹst, mâiʹd kriteeʹr miârkkšââvv da mõõnn nalla tõn tieuʹdet.
Sääʹmteeʹǧǧ čiiččad sääʹmturismmhaʹŋǩǩõs, Vueʹzz mäʹtǩǩ (Vasan matka) leʹbe Vaʹstteemvuõđlaž sääʹmturiism sertifikatt: toiʹmmjem-maall da digitaalʼlaž ooccâmseiddõõzz ooudâsviikkmõš, lij Euroopp Unioon – NextGenerationEU.
