Vuässâttmõš

Vuässâttmõš lij proseʹss, koʹst õhttnaž oummid, jooukid leʹbe õutstõõzzid vääʹldet mieʹldd tuʹmmstõktuõjju, plaanma, čõõđ viikkma da ärvvtõõllma. Tõt lij neävv aktivâʹstted da älšmâʹtted oummid vuässõõttâd di tobddâd vuässadvuõđ.

Vuässâttmõõžž täävtõsân lij raaveed vuässadvuõđ da õhttsallažvuõđ, lââʹzzted naʹddjõõzz, õʹhttekuullâmvuõđ da vaaiktummuž vueiʹttemvuõđid di pueʹreed tuʹmmstõktuâj tääʹzz, äävʼvuõđ da čõnnõõttmõõžž. Tõn vueiʹtet čõõđted jeeʹres taaʹzzin da konteeʹkstin, mâʹte õõutstõõzzin, tuâjjpaaiʹǩin, škooultõõzzâst da politiikkâst.

Vuässâʹttem mõõntõõllmõõžž lie õuddmiârkkân õõlmâs kuullmõõžž, tuâjjpääʹj, dialoog, kõõjjõõzz, fooruum, vuässõʹtti plaanmõš di digitaalʼlaž vuâla. Oʹnstam vuässâʹttemproseʹss õõudald teâđsteei plaanmõõžž, što puki jiõnn šâdd kullum da vuässõõttmõõžž toobdât leeʹd miârkteei da vaaikteei. Vuässâttmõš lij vaʹstteemvuõđlaž da eettlânji ǩeâllʼjeei sääʹmturiism vuâđđaaunâs.

Tän õhttvuõđâst vuässâttmõš miârkkšââvv proseeʹss, koʹst sääʹmõutstõõzz vuäzzlaid vääʹldet mieʹldd nuʹtt ođđ turismmtååim plaanma ǥu juʹn vaalmâš turismmtååim ärvvtõõllmõʹšše da õõuʹdummša. Vuässâttmõš vuäitt še miârkkšõõvvâd tuõtt vuârrsaǥstõõllmõõžž õuddmiârkkân teʹl, ǥu  turisttmeäʹrin õlmmne vaʹǯǯtõõzz leʹbe ǥu kååʹtt-ne toiʹmmjemnääʹll ij leäkku vuäǯǯam õutstõõzz priimmʼmõõžž. Vueiʹttemvuõđi mieʹldd vuässâttmõš vuäll še tuʹmmstõktuõjju da čõõđ viikkma naaʹlin, kååʹtt âânn ciistâst sääʹmõutstõõzz jiõččmieʹrreemvuõiggâdvuõđ da äʹšštobddmõõžž.

Vuässâttmõš miârkkšââvv tuõtt õhttsažtuâj da vuârrsaǥstõõllmõõžž raajjmõõžž, koʹst õutstõs vuäitt vaaikted tååim siiskõʹsse, täävtõõzzid da kulttuur čuäʹjtemnälla juʹn ääiʹjeld, õuʹddel tuʹmmstõõǥǥi tuejjummuž. Tõt tuärjjad sääʹmkulttuur jieʹllemviõǥǥ, veältt hääitaid da äuʹǩǩad õutstõõzz tääʹsspeällsânji. Sosiaalʼlaž da kulttuursaž tåimmlååʹv tääʹvtummuž õudldõsân lij vuässõʹtti toiʹmmjemnääʹll.