Tällõõzzlaž ǩeâllʼjemvuõtt
Tällõõzzlaž ǩeâllʼjemvuõtt teäddai pääiklažtäälai tuärjjummša õutstõs- da individuaaltääʹzzest. Tällõõzzlaž ǩeâllʼjemvuõđ vuâlggsââʹjjen lij maatkčempuåttji nuʹtt jõnn vueʹzz kuâđđjummuš voudda ko vueiʹtlvaž. Tän vueiʹtet viikkâd čõõđ sääʹmnarooʹde reâuǥ uuʹdeeʹl di pääiklaž põõrǥâstoiʹmmjummšin. Tällõõzzlaž ǩeâllʼjemvuõʹtte koʹlle ouddmiârkkân âʹlddporrmõõžž siâssmõš di sääʹmouddsi, mâʹte õlmm ǩiõtt-tuâjai da pääiklaž sääʹmkääzzkõõzzi âânnmõš. Tällõõzzlaž ǩeâllʼjemvuõđ täävtõssân lij maatkčemjieʹllemvueʹjj integrõõvvmõš sääʹmõutstõʹsse nuʹtt, što tõʹst pueʹtti tällõõzzlaž äuʹǩǩ juâkkjõõvči nuʹtt veiddsânji voudda ko vueiʹtlvaž. Lij samai vääžnai, što obbnes maatkčummuž åålǥpeäʹlnn leʹddi sääʹmõutstõs ǩiõččlâstt še maatkčummuž positiivlaž da õutstõõzz ääukteei tåimman di viõkkväärran. Turismm âlgg še tuärjjeed sääʹm äʹrbbvuõđlaž jieʹllemvuõʹjjid, što tõt leʹčči tällõõzzlânji ǩeâllʼjeei.
Ǩiõčč še
ekolooglaž ǩeâllʼjemvuõtt, kulttuursaž ǩeâllʼjemvuõtt, sosiaalʼlaž ǩeâllʼjemvuõđ, ekolooglaž ǩeâllʼjem-määin, kulttuurlaž pâstlvažvuõđ, sosiaalʼlaž ǩeâllʼjem-mäinn, tällõõzzlaž pâstlvažvuõt, sääʹmvuõʹtte vuâđđõõvvi maatkčummuš, sääʹmvuõđ äuʹǩǩenõõʹnni turismm, eettlaž vuäʹpstõõzz, sääʹmteʹǧǧ