Pââʹzz pääiʹǩ

Pââʹss päiʹǩǩ lij sââʹjj, vuʹvdd leʹbe päiʹǩǩ, koonn toobdât čuuʹt miârkteeʹjen, ciʹsttjum leʹbe kuõskteʹmen åskldõõǥǥlaž, jiõglvaž, kulttuursaž leʹbe jiiʹjjes määinai diõtt. Pââʹzz pääiʹǩ õhttne täujja pââʹssvuõʹtte, pââʹss mainnsid, äʹrbbvuõđid, luõttu leʹbe õutstõõzz historiaaʹje, da tõk rätkkje arggpirrõõzzâst jiiʹjjesnallšem äärvaines.

Pââʹzz pääiʹǩ  lie sääʹmkulttuurâst jiõglvânji, historiaalʼlânji da kulttuursânji miârkteei luâtt- leʹbe rajjum pääiʹǩ, mâʹte palvvpääiʹǩ (sieidi, sieidebáiki, sieidipäikki,), tiõttum tuõddâr, kääiv, čääʹccvuuʹd da/leʹbe kueʹstelm. Tõk õlmmee sääʹm maaiʹlmkoov, åskkmõõžžid da äʹrbbvuõđid, da tõi ärvv vuâđđââvv õutstõõzz jiiʹjjes fiʹttjõʹsse da meäʹrtõõllma.

Pââʹzz pääiʹǩ jie leäkku turiisti vääʹldest mõõnnâd jie-ǥa turiism vääʹldest äuʹǩǩeemnalla, peʹce tõi vueiʹtlvaž čuäʹjtummuš leʹbe tõin kueʹssjummuš õõlǥat kulttuur vaaldšeeʹji miõttâm sosiaalʼlaž da kulttuursaž tåimmlååʹv (Social License to Operate, Cultural Licence to Operate) di FPIC-vuâđđjurddi (Free, Prior and Informed Consent) meâldlaž miâsttmõõžž. Juõʹǩǩ jeeʹrab pââʹzz pääiʹǩ kulttuur vaaldšeei mieʹrree, ǩeäzz, kuäʹss da kooi määinaivuiʹm pääiʹǩ vueiʹtet čuäʹjted leʹbe pääiʹǩ diõtt vueiʹtet mainsted, da što toiʹmmjummuž tuejjeet nääʹleld, kååʹtt seillad pääiʹǩ ciʹsttjummuž, kuõskteʹmesvuõđ da miârktõõzz.