Kulttuuräʹrbb

Kulttuurääʹrb lie mõõnniääiʹjest äʹrbben vuåǯǯum aunnsallaš da aunnsateʹmes ääʹšš leʹbe vueʹjj, kookk peʹlǩǩe oummui äärvaid, åskkmõõžžid, teâđaid da traditioid. Kulttuuräʹrbb lij proseʹss, koozz siskkne jeeʹres aaiʹjin jeeʹresnallšem äärv da miârktõõzz da tõõi viikkmõš õõudårra.

Tän õhttvuõđâst kulttuuräʹrbb miârkkšââvv säʹmmlai aunnsallaš da aunnsateʹmes jieʹlli ääʹrb, kååʹtt serddai puõlvvõõǥǥâst nobba da õlmmad sääʹm identiteeʹtt, maaʹilmkoov, äärvaid, historia da luâttkõskkvuõđ. Kulttuurääʹrb lie jm. ǩiõl, äʹrbbvuõđlaž teâtt da tääid, åskkmõõžž, maaiʹlmkovv, käälv di pääiʹǩ da kueʹstelm. Kulttuuräʹrbb lij mottjeei da aktiivlaž vueʹss sääʹmõutstõõzz jieʹllmest.

Kulttuuräʹrbb lij alggmeer säʹmmlai jällmõš, da tõn seeiltummuš, čuäʹjtummuš da äuʹǩǩummuš turiismâst kooll kulttuur vaaldšeeʹji meäʹrreemväldda. Kulttuurääʹrb âânnmõš turiismâst õõudald FPIC-vuâđđjurddi meâldlaž miâsttmõõžž da tõn suõjjlummuš lij vaʹstteemvuõđlaž da eettlânji ǩeâllʼjeei sääʹmturiism väimmsest.