Iglu

Äʹrbbvuõđlaž miârktõõzzâst iglu miârkkšââvv muõtti leʹbe jiõŋ luåkknõõzzin norrum kupoolnallšem raajâlm, koon aarktlaž vuuʹdi alggmeer (õuddm. inuiit da inupeek) lie âânnam täʹlvvaassâmpäiʹǩǩen aainâs Kanadast, Alaskast da Ruânnjânnmest. Tõn raajõs vuâđđââvv muõtti suejjeemvuõʹtte da tõn ǩeâllʼjemvuõʹtte kõrr piõggi da kõlmmâz vuâstta, taʹrjjeeʹl kudd suõj väʹǯǯlõs aarktlaž luâđast.

Iglu ij kuul äʹrbbvuõđlaž sääʹmaassmõʹšše. Säʹmmlain lie jiiʹjjes täʹlvv- da kõskkpoddsaž aassâmpääiʹǩ, mâʹte kååvas (lávvu, láávu) ja kueʹtt (goahti, kuáti), kooi raajõs da âânnmõš vuâđđâʹvve vuäǯǯmest åårrai luâttaunnsid di puäʒʒhååid da jeeʹres luâttjieʹllemvuõʹjji jårrõõzz vaʹstteei, liikkeei jieʹllemnalla.

Säʹmmlai dommvuuʹdest iglu -nõõmtõõzz ââʹnet täujja modeernin, čuuʹt jeeʹresmallsaž steehlseiʹnn da -laakk instemrajlmin, koin ävvan cõgldõõzzteʹmes kuâsttjõs pirreei luõttu – jeäʹrben täʹsnnâlmma da kuuskõõzzid. Steehliglu lie siâssum aainâs täʹlvvturiismâst.

Iglu sääʹnnen da instemsââʹjjen looǥǥât sääʹmturiism eettlaž vuäppõõzz mieʹldd laiʹnnʼjum äʹrbbvuõđid tõn  diõtt, što tõt kooll nuuʹbbi alggmeerai kulttuurärbba. Tõn puästnallšem õhttummuš sääʹmkulttuuʹre vuäitt viikkâd kulttuursaž čaʹjjtummsa, puästeed turiisti fiʹttjõõzzid da rââʹžžeed sääʹmturiism eettlažvuõđ.