Valjimiävtuliih kritereh

Irâttâs čonâdât porgâđ oovtâstpargo ovdâsvástádâslij já eettisávt kilelis vyeliskáppojeijeiguin. Vyeliskáppojeijeeh kalgeh almottiđ jo falâldâhmuddoost, jis uási vyeliskáppojeijee pyevtittâsâi já/tâi palvâlusâi pyevtitmist lii adelum kuálmád uásipiälán olášuttemnáál. Válduášálâš ovdâsvástádâs skappuuttâsâi ovdâsvástádâslâšvuođâst já eettisii killeelvuođâst lii irâttâsâst, mii tiiláá skappuuttâs.

Pargovievâst lii tehálâš rooli irâttâs äššigâsâi kuáhtáámist já puigâ sämmilâštiäđu sirdemist. Irâttâs pargoviehân lohhojeh peerâirâttâs ulguupiälásiih, irâttâsân pálkkááttum ulmuuh (ml. pargoost uáppeeh). Oles pargoviehân kalga orniđ olesváldálâš paargon uápásmittem (ml. jieŋâlis uápásmittem irâttâs toimâmprinsiipáid sehe irâttâs vaikuttâskuávlu ellee kulttuurenâdâhân já ton sierânâsjiešvuovvijd já -tárboid). Irâttâs kalga čoonnâđ oles pargovievâ väldiđ vuotân já suojâliđ irâttâs toimâmpirrâs ellee kulttuurenâduvâst puoh ässeidiskuin.