Spesiaalkritereh

Purrâmuš lohtâs merhâšitteht mađhâšempalvâlussáid já purrâmušfeeriimeh láá äššigâssáid tehálâš uási mađhâšemvuáttámušâst. Purrâmušpyevtittâs lii ohtâ vyehi muštâliđ kuossijd sämikulttuurist. Eromâš tehálâš lii huámmášiđ já táárbu mield prioristiđ siärváduv jesânij purrâmuštorvo pijssám já juvsâttetteevuođâ. Oovtâstpargoost purrâmušmaađhâšmist kalga leđe ävkki puoh uásipeelijd. Pyeri purrâmušpyevtittâs lasseet oles mađhâšemkuávlu kiäsutteijeevuođâ já lii pyeri vyehi lasettiđ kulttuursiskáldâs taan jyehipiäiválii aktiviteetân. Paijeelmerepurrâmuš kalga kepidiđ minimin.

Puásui lii ohtâ tehálâš sämikulttuur vuáđutahhee já ohtâ tehálumosijn mađhâšem keessimvyeimitahhein sämmilij päikkikuávlust já oles puásuituálukuávlust. Puásuimaađhâšmân lohhojeh puásuitáálu- já sijdâkolliimeh, vyeijimeergih já kädiseergih. Puásuimađhâšem vuolgâsaijeen kalga leđe poccuu pyereestvaijeem. Puásui mađhâšempargen taarbâš tuárvi liävu já ráávhu kuállejeijein. Olmooš, kote kieđâvuš mađhâšempoccuu, kalga leđe hárjánâm poccuid já toi tipšomân.